祠堂幸保不失 城城出盡牙力 與小齊「喜」相逢

影帝郭富城、任賢齊、林家棟等在葵涌貨櫃碼頭為電影《臨時械劫》拍攝槍戰戲份，城城因飾演賊王要打大心口冒寒拍槍戰，講到之前在廟街拍了一星期，城城說：「封街拍槍戰、撞車，好彩街坊冇投訴，都好難忘，咁大個都未試過喺廟街可以咁樣拍！」談到之前被拍到有幕打鬥戲被曾比特「拆祠堂」，他即說：「嗰幕講佢想襲擊我，我就摔低佢，係角度問題，我一啲事都冇。」

張可頤處女兩下海

他首次與好友小齊合作拍戲火花四射，讚小齊有喜感，小齊亦謂對方戲中哨牙造型很驚喜：「之前圍讀見到佢好似怪怪哋，原來佢戴咗哨牙。」原來哨牙是城城提議，希望有所突破︰「有時講對白激動得滯仲會成副哨牙噴咗出嚟，要NG，而且亦有對『摔跤耳』，要特技化妝成個鐘。」

同場的張可頤及胡定欣於戲中沒有對手戲，前者飾演警察，更獻兩個「第一次」：「第一次做警察同第一次開槍，入行以嚟有兩樣嘢最驚，就係燒炮仗同開槍，我會唔記得對白同腳軟。」而定欣則飾演林家棟老婆，懷有8個月身孕，自言是演過最窮的角色，一家人屈居寮屋，更不時爆發婆媳大戰：「有好多情緒同鬧交戲。」她說是首次與「老公」合作，雖然剛認識，但就大讚家棟好親切。