私心收藏!十大日式鐵板燒推介

·4 分鐘文章

唔少人生日、節日同紀念日都鍾意食日式鐵板燒,貪佢有得食之餘仲可以睇埋師傅席前料理~全港至少有130幾間鐵板燒店,今次開飯仔精選咗10間畀大家,有貴價都有親民嘅,睇下邊間啱心水喇!

板神鉄板燒日本料理 (觀塘/灣仔/銅鑼灣)

本店位於觀塘、主打平民價嘅日式鐵板燒,而且仲去埋灣仔同銅鑼灣開分店呀!價錢每間分店略有唔同,最平三百幾蚊就食到南非鮑魚、牛肉薄燒等10道菜套餐,真係抵到爛~銅鑼灣新開嘅旗艦店佔地成14,000呎,仲分咗五大區域分別係鐵板燒區、壽司吧、炭火燒區、清酒吧同品酒區,性價比好高。

板神鉄板燒日本料理
板神鉄板燒日本料理

三原 (將軍澳)

將軍澳都有鐵板燒食!餐廳由擁有豐富國際廚藝經驗嘅日籍主廚三原光史先生主理,挑選當日最時令嘅食材同海產,搭配自家製醬汁、高湯同調味料,令食客有滿足嘅鐵板燒體驗。招牌鹽釜燒「青森縣鮑魚」,選用大蜆牛油汁,加入北海道海膽同昆布,以大量粗鹽包裹鮑魚將其燜熟,以鎖住鮮味。最後淋上香草牛油同海膽汁,新鮮又彈牙。

三原
三原

三和叙 (九龍城)

佔地三層嘅日式料理店,一間餐廳就有齊壽司、鐵板燒、 爐端燒同和式料理食,鐵板燒部份必試北海道鱈場蟹,蟹肉鮮甜,帶焦香之餘又唔會燒得好乾,加埋柚子調味清新之餘又唔會蓋過長腳蟹嘅鮮甜。仲有黃金炒飯加咗大量蛋汁落去一齊炒,蛋味香得嚟粒粒分明,好出色!

三和叙
三和叙

鉄人旨花 (銅鑼灣)

充滿濃厚日式風情嘅鐵板燒同omakase餐廳,最受歡迎係呢個$2380龍蝦鐵板燒二人前套餐,包含前菜、沙律、三款主食、季節料理、炒飯、雞湯同甜品,主食包括鮮嫩嘅汁煮白鱈魚、鮮甜嘅龍蝦配海膽汁同入口即溶嘅熊本縣產A5和牛王,食完絕對會捧住個肚走。

圖: eatHappyliveHappy
圖: eatHappyliveHappy

(荔枝角)

最平$278就可以食到日式鐵板燒?係呀無睇錯,呢間日式鐵板燒午市特別抵食,分別$278、$288同$298就可以食到梅、竹、松三個套餐,松套餐包括湯沙律、法國鵝肝、銀鱈魚、美國特級牛柳或日本黑豚薄燒或以A5鹿兒島野崎和牛、炒飯、炒野菜、麵豉湯同甜品,唔可以錯過!

圖: KenBa123
圖: KenBa123

鐵板燒·鑄 (天后)

香港唯一一間米芝蓮一星鐵板燒,由擁有四十年經驗嘅大廚Mok San主理,由前菜生蠔配海膽及三文魚子、黑松露配帶子、主菜鮑魚配海帶鮑魚汁、龍蝦配日式冷麵、A5厚切和牛,每一道菜式都一絲不苟,絕對令你會回頭再幫襯。

圖: 火海
圖: 火海

Hungry Monkey (銅鑼灣)

食厭咗傳統鐵板燒可以試下銅鑼灣呢間主打型格嘅日式鐵板燒餐廳,店舖以霓虹燈作裝飾,氣氛同一般日式鐵板燒餐廳都幾唔同,價錢相對都經濟實惠。而且食物選擇多元化,如店主自創嘅港島燒、明太子奄列等。

圖: Ctyings
圖: Ctyings

Kozy Okonomi-yaki Teppan-yaki (銅鑼灣)

另一間港島區性價比高嘅鐵板燒,以單點菜單為主,推介A4和牛柳及豚肉大阪燒加牛根,前者牛味香濃,後者大份足料,加埋牛根,口感同味道都豐富咗。另外香煎帶子同牛舌都值得一試呀。

圖: greenteaccy
圖: greenteaccy

鐵板燒海賀 (尖沙咀)

食鐵板燒除咗食物質素,環境都一樣咁重要,呢間就可以睇埋海景,啱晒食飯鍾意食埋個景嘅朋友!鐵板套餐以海鮮類為主,如蝦肉海膽刺身、櫻鯛魚湯同鐵板龍蝦等,海鮮控必食~

圖: mochi_brother
圖: mochi_brother

ODDS (中環)

中環裝潢新派、時尚奢華嘅餐廳,食物質素都令人留有深刻印象。如香煎銀鱈魚配上新鮮西洋菜醬汁,銀鱈魚爽脆嫩滑,清爽嘅醬汁又減低油膩感。另外黑金牛即係美國A4和牛,相比鐵板燒常見嘅日本和牛牛味更突出。

圖: or#Tm65481236
圖: or#Tm65481236
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能