章小蕙網店真絲口罩賣$340港幣 內地網民直呼翻車了：戴上像內褲

近年越來越多香港藝人北上，發展並加入直播帶貨行列，當中包括現年58歲嘅「前B嫂」章小蕙（Teresa）。近年佢轉戰內地發展網絡事業，除咗開設網店，佢仲喺微信公眾號及小紅書做KOL分享護膚及扮靚心得。近日有網民購買佢網店嘅名牌真絲口罩，其後直指自己「翻車了」，因為好似戴住條底褲咁。

保養得宜嘅章小蕙，睇落一啲都唔似年近60，所以唔少內地網民都會力撐佢介紹嘅產品。不過近日有網民喺小紅書指自己喺章小蕙嘅網民購買咗價值$276人民幣（約$340港幣）嘅名牌真絲口罩，並以「買了章小蕙家的真絲口罩，翻車了」為題寫下：「在章小姐小程序裡買的，圖片是啞光的粉色，沒想到，收到貨是亮粉色，戴上像內褲一樣，給大家一個參考，不喜歡這種亮粉色的，謹慎入」。

之後吸引唔少網民討論，並留言話：「實物像真絲內褲，廣告圖像棉質內褲，總之都像內褲」、「天哪 我再也不相信她了。」、「這個價格，搶錢了，寧可買個內褲」、「割韭菜啊，這個要276」、「不看文字，真的以為是內褲」及「果然章小蕙不騙窮人」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！