笑隊友着校服似留班生 Edan搣甩喜感扮Cool 被彈咬字不清

男團MIRROR成員Edan、Stanley和Alton合演青春游泳劇，扮學生的Edan自覺穿校服像留班生，年過30的Stanley和Alton提到自己的校服Look亦倒抽一口涼氣，Stanley更表明不想再演中學生！Edan首集即騷肌，但就被批講對白時咬字不清。

Edan、Stanley和Alton主演的ViuTV重頭劇《I SWIM》前晚首播，劇中3子泳術高超，身材健碩，但Edan坦言現實中其實很怕水，有場戲要他潛到池底睜大眼，挑戰其極限：「我超驚！因為深水處唔可以戴隱形眼鏡，我深近視好似盲咁，但拍完之後我就唔驚，全部突破晒！我仲一啖氣游到25米，成就解鎖！」而Alton泳術是3人之冠，教練更指他有運動員的感覺。

3人談及演學生，着校服是很大的挑戰，Edan更笑稱「A班」最多留班生，個個留班超過5年，Alton即表示：「我同Stanley三十幾歲人，不過大家覺得還好，要好好珍惜。」Stanley看着自己的學生造型，感嘆說：「睇到自己有紋身，再演中學生真係唔好，大學生都仲可以。」而Edan透露拍劇前進行了兩次面試：「我擔心做得唔好會有影響，又驚冇時間操肌，但覺得機會嚟到，唔可以驚就乜都唔做。」而Stanley從導演口中得知是首個被揀中，迫使他發奮練水。

MIRROR騷網上直播盛惠380元

Edan今次一改搞笑形象，角色Cool到爆，首集即來一趟個人表演游水騷肌，觀眾對其突破演出感驚喜，但就批評他講對白咬字不清，Edan虛心接受意見，在社交網回應劇迷：「放心，我全部都睇到的，多謝你們意見，會繼續改善！」並上載劇照及分享拍攝感受。

另外，MIRROR的12場紅館演唱會一票難求，官方早前曾宣布會搞網上直播，昨日公布網上直播的3場場次，每場收費380元，包括大會主畫面直播及四面台自選直播，而「MIRO專屬套裝」每場收費280元，可以專享後台直播，直播門票後日中午公開發售，有搶不到門票的鏡粉讚安排貼心。