【終年58歲】導演陳木勝鼻咽癌離世

·2 分鐘文章
導演陳木勝鼻咽癌離世
導演陳木勝鼻咽癌離世

導演陳木勝今早不幸因鼻咽癌離世,終年58歲。其太太及3子女悲傷之情仍未平復。陳木勝最後一部作品是執導由謝霆鋒主演的《怒火》。電影於去年底拍畢,但至今仍未上映。有指他拍攝該戲期間突然感身體不適,後經證實患上鼻咽癌末期,最近數月他在沙田威爾斯親王醫院留醫,後在楊受成幫助下轉到養和醫院治理,但最終難敵癌魔。

英皇電影方面表示:「啱啱收到呢個消息,但一切等佢屋企人公布。」至於《怒火》的後期據知經已完成。東網亦正聯絡演出其遺作的謝霆鋒,但暫未有回覆。而身在外國、曾合作《特警新人類》的吳彥祖亦未有回應。

自2000年開始與陳木勝合作無間的林小明,今日驚聞對方辭世大表遺憾。他接受東網訪問坦言:「我知佢有病,但大約有半個月冇聯絡過,佢嘅離世對電影圈嚟講係好大嘅損失,佢係一個咁好嘅導演。(之前有打算再搵佢拍戲?)有,話等佢同楊受成開完3部戲先,但依家已經講乜都冇用啦。(幫手搞後事?)幫到一定幫,會嘗試聯絡佢嘅家人。」

至於跟陳木勝出身的導演麥兆輝目前身在內地開工。他坦言:「當年係佢提拔我嘅,不過真係有段日子失去咗聯絡。我啱啱知道呢件事梗係覺得可惜啦,話晒佢係我半個師傅。(同佢相處最難忘係乜?)佢超級勤力,試過拍緊戲嘅時候,佢個女意外受傷,佢都冇即刻收工,要求完成所有戲份先。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能