結婚兩年 聞妻楊怡有喜 羅仲謙:承你貴言!

東方新地 - 娛聞
東方新地

楊怡與羅仲謙婚後不時被追問造人大計,現年39歲的楊怡也恨做媽咪,希望盡快有好消息,更表示問題出在老公謙謙身上,皆因他一直忙工作,未能跟她夾時間生仔。近幾個月留港陪老婆的謙謙,日前回應楊怡有喜一事,開心到再三講:「承你貴言!」

撰文:東方新地|圖片:新傳媒圖片庫、楊怡IG、羅仲謙IG

 

羅仲謙 為老婆練大隻

這兩年謙謙在國內拍戲,有段時間因為工作疏於健身,本來脹卜卜的身形突然大縮水,楊怡覺得謙謙貨不對辦,曾公開投訴老公說:「佢追我嗰時,身形較健碩、後來瘦咗,攬住佢嘅時候冇晒感覺。」只因老婆一句嫌棄,當時身在國內拍戲的謙謙即自動加操,結果二頭肌及三頭肌全部歸位,能滿足老婆一己私慾,謙謙又鍾意健身,絕對是一舉兩得。

羅仲謙
羅仲謙

返港後謙謙keep住日日操肌,本刊記者一連幾日都見他獨自駕車到大埔健身室,而且每次都逗留超過兩小時,好神心,練到手瓜幾乎粗過大髀的他,無見一排成熟了不少,男人要照顧老婆擔起頭家,除了要努力搵錢,亦要有強壯的體魄,婚後有了人生方向的謙謙,曾被問及長期在國內搵人仔辛唔辛苦,當時他這樣回答:「當你好辛苦嘅時候,你會知道為咗乜嘢,我辛苦時會諗吓老婆,佢喺屋企睇緊電視、上網,好舒服好得閒,你嘅辛苦換到某個人好開心係值得嘅。」老公靚仔、大隻又有責任心,依家仲要搵到錢,難怪楊怡成日都要北上𥄫實啦!

楊怡
楊怡

謙謙:要錫住老婆身體!

謙謙離開健身室後接受本刊記者訪問,講到生B就話最少生兩個,有兄弟姊妹家庭先會美滿。

 

記者:阿怡係咪成日去國內探你班?

羅仲謙:落返嚟啦!之前我拍《征途》初期佢有嚟,依家都返嚟休養。

記者:嚟緊有咩搞作?係咪會留喺香港?

羅仲謙:係呀!因為老婆就嚟生日吖嘛!

記者:仲以為你話老婆就嚟生得!

羅仲謙:哈哈哈!承你貴言呀吓!承你貴言!

日前謙謙駕駛老婆架Mini cooper到大埔市區,精靈的他落車後發現本刊記者,笑住打招呼。
日前謙謙駕駛老婆架Mini cooper到大埔市區,精靈的他落車後發現本刊記者,笑住打招呼。

記者:依家係咪努力中,加緊油造人?

羅仲謙:我之前嗰三個幾月都唔喺香港,依家返到嚟多啲時間陪佢囉!

記者:有冇同老婆一齊做運動?

羅仲謙:有呀!會同佢去會所健身。

記者:依家阿怡有冇嘢做緊呀?

羅仲謙:佢依家都係休息緊。

記者:係咪為咗迎接小生命?

羅仲謙:佢依家要開始宣傳《再創世紀》,我諗佢仲有其他嘢傾緊。

羅仲謙
羅仲謙

記者:咁佢宣傳完新劇仲有咩工作?

羅仲謙:我諗到時可能到我要開工。

記者:係咪已經有好消息唔方便講呀?

羅仲謙:大家好似好關心,比我更加著急喎!我順其自然,唔想畀壓力屋企人。

記者:你哋好似好鍾意小朋友喎!

羅仲謙:係呀!順其自然啦!

記者:有冇話想生幾多個?

羅仲謙:呢啲係天賜,我覺得有兄弟姊妹會比較美滿啲!兩個以上都ok!不過都要錫住老婆身體嘅!

記者:好想快啲聽到你哋好消息。

羅仲謙:承你哋貴言!

羅仲謙
羅仲謙

操肌養精等湊B

風雨不改日日去健身室的謙謙,有私人教練幫佢練大隻,操肌操足超過兩個鐘,目測其胸肌已過40吋,手瓜孔武有力,為做人父湊B做足準備。

羅仲謙
羅仲謙

Him Law(@lawhimmm)分享的貼文 於 PDT 2018 年 6月 月 3 日 上午 8:01 張貼

 

Him Law(@lawhimmm)分享的貼文 於 PDT 2018 年 5月 月 3 日 下午 8:03 張貼

 

結婚兩年

楊怡與謙謙拍拖六年結婚兩年,婚後感情有增無減,曾揚言想三年抱兩,不過因工作聚少離多未能好好配合。

楊怡 羅仲謙
楊怡 羅仲謙

去年10月結婚一周年紀念,楊怡因要到布拉格拍《再創世紀》外景,謙謙請定假做跟得人夫,兩人在當地慶祝。

Tavia Yeung(@tavia_yeung)分享的貼文 於 PDT 2017 年 10月 月 1 日 上午 10:02 張貼

 

夫唱婦隨

年初謙謙返國內拍攝陳德森執導的新戲《征途》,楊怡人肉速遞飛去無錫探班,謙仔說:「因為返唔到香港,所以拍攝初期阿怡有飛來探班,我哋仲去咗太湖、古鎮散步、飲嘢,聽落好悶,但我已經開心、好滿足。」

楊怡 羅仲謙
楊怡 羅仲謙

飛上海氹妻

之前有傳謙謙與內地女星朱銳拍激咀戲事前冇向楊怡備案,激嬲老婆,搞到要由台東急飛上海,氹番在上海工作的楊怡,更陪玩陪食陪濕平,連人肉GPS都做埋!謙謙肯做阿四贖罪,羅太最後收貨唔再嬲豬。

楊怡 羅仲謙
楊怡 羅仲謙

甜蜜開P慶生

楊怡與謙謙同於8月牛一,日前壽星夫婦齊齊搞生日P提早慶生,又在社交網po相放閃,更甜蜜咀嘴勁恩愛。不少粉絲笑二人閃爆全宇宙,祝他們早生貴子。

Him Law(@lawhimmm)分享的貼文 於 PDT 2018 年 8月 月 27 日 下午 8:50 張貼

 

楊怡
楊怡

羅太冧爆

生日會的布置童真盡現,羅生與羅太置身波波池玩得投入,孖住滿場飛之外,仲不時深情對望互冧。

楊怡 羅仲謙
楊怡 羅仲謙
楊怡 羅仲謙
楊怡 羅仲謙

Tavia Yeung(@tavia_yeung)分享的貼文 於 PDT 2018 年 8月 月 28 日 上午 7:17 張貼

 

Tavia Yeung(@tavia_yeung)分享的貼文 於 PDT 2018 年 8月 月 28 日 下午 11:12 張貼

 

Tavia Yeung(@tavia_yeung)分享的貼文 於 PST 2018 年 2月 月 13 日 下午 7:43 張貼

 

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

出院後短期內不可做運動!余德丞:珍惜生命,重新出發!

其他內容