綵排台慶搵命博 陳展鵬瞞老婆 疊羅漢失重心

·2 分鐘文章
被托起的陳展鵬搖搖欲墜,冇餘力做表情管理。
被托起的陳展鵬搖搖欲墜,冇餘力做表情管理。

視帝陳展鵬將於下周舉行的無綫台慶表演疊羅漢,昨日綵排時連環失重心,場面驚險!事後他坦言是多年來最危險的表演,不敢向老婆單文柔透露詳情。

《萬千星輝賀台慶2021》將於本月19日舉行,藝人連日來進行綵排,昨日輪到李克勤、陳展鵬、草蜢、鄭俊弘等為不同項目練習,場面熱鬧。

展鵬率領馬貫東、張彥博、黃建東等綵排疊羅漢,被幾位新進演員托起,怎料連環失重心險墮地,非常牙煙!事後他表示該表演全是「力的表現」:「頭先只係舉到胸口,正式演出要舉過頭,依家未知邊個負責托我,睇吓邊個頂唔順就換人。(有冇畏高?)都OK,但真係有離心,要配合力度,所以磅數唔再肥就OK,手臂要粗啲。(太太單文柔緊張?)都會,所以我冇講細節畀佢聽,今次算係我咁耐以嚟最難嘅表演,始終都危險,所以要練力同互相信任。」

克勤返港食到發福

剛從杭州返港2星期的克勤,台慶夜將獨挑大樑獻唱金曲,他透露離港4個月,返港後因飯局不斷而胖了3、4磅,由於今個月是太太盧淑儀生日,而他則下月生日,相信仍會食唔停。談及今次內地之行收穫豐富,問是否豬籠入水,他笑說:「我唔計呢啲,做咗一季《中國好聲音2021》導師好有挑戰性。(賺錢畀老婆買樓?)我唔計呢啲,都係為小朋友將來着想。(之後繼續去內地? )如果唔係要返嚟,一路喺內地都有工作,但我有屋企人,唔想兩個仔唔認得我,所以每年去一次幾個月。」

至於已多年沒擔任台慶表演嘉賓的組合草蜢,成員蔡一傑早前生蛇,幸康復進度理想,只是頸部不時疼痛,但不影響跳舞。

李克勤不想長期離港,怕仔仔唔認得他。
李克勤不想長期離港,怕仔仔唔認得他。
草蜢相隔多年,再為無綫台慶助興。
草蜢相隔多年,再為無綫台慶助興。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能