緋聞女友何泳芍劃清界線

東方日報
·1 分鐘文章
Honey避談緋聞男友的事。
Honey避談緋聞男友的事。

吳偉豪被指花弗兼溝女戰績彪炳,曾向「美人魚港姐」何泳芍(Honey)「點燈」相約行山,女方及後在社交網上載摸狗照,該狗狗被指是吳偉豪愛犬,因而傳出緋聞,雖然當時Honey未就此事解畫,但昨日被問到對於疑似緋聞男友吳偉豪的自慰片流出一事,她終於開腔回應:「其實我真係同佢唔係好熟o架咋,私人事都係問番佢本人好啲,其他嘢我唔回應啦!」明顯與對方劃清界線。

而與吳偉豪合作處境劇《愛·回家之開心速遞》的林凱恩則說:「我冇聽聞呢件事,不過我以前收過一啲狂迷比較過分嘅訊息,無論點都好,我都認為最重要都係尊重彼此。」