雅虎香港新聞 元朗美食︱14年歷史鐵板燒餐廳 轉做外賣立食店 最平$58食到鐵板燒牛肉丼飯
元朗有間營業了14年的中高檔鐵板燒店，因為市況淡靜需要轉型，現時$58就吃到鐵板燒大廚手勢！即睇Yahoo Food專訪：
「疫情時，都仲有午市可以支持到，但而家係條街根本無人，一到weekend就更加少人」鉄皇子小賣所店主Ken
港人北上消費成風，餐飲業正面對比疫情時更嚴峻的經營環境。元朗有間已經開了14年的中高檔鐵板燒店，店主最近決定轉型，由人均消費$500/位，只做晚市的餐廳，搖身一變至由中午開到夜晚，主打平民價鐵板燒飯餐，主力外賣，最平$58就食到牛肉丼飯。店主兼大廚Ken師傅做了鐵板燒27年，也坦然「從來未見過市面咁差。」
👉🏻全新Yahoo Food Instagram上線啦！立即Follow獲取更多飲食攻略
市況淡靜 決心轉型
Ken師傅以往坐鎮於高檔鐵板燒名店，磨練多年，手法純熟，及後在元朗區開設他個人鐵板燒餐廳，一做就14年，生意一直穩定：「以前只做晚市就夠生存，每晚同客人傾下偈，飲下酒，舒服過而家好多。」Ken師傅的熟客都是捨得消費的識飲識食中產階層，近年移民的移民，離港的離港。他以為疫情幾年已經最差，萬萬想不到，原來通關後才是真正挑戰。
「疫情時，都仲有午市可以支持到，但而家係條街根本無人，一到weekend就更加少人，試過真係可以全日拍烏蠅，我就知道如果想做落去，就一定要變，坐喺度埋怨都無用，所以就決定轉型。」以往做開和牛、黑豚、鵝肝、羊架、美國頂級靚牛、龍蝦， 客人不怕付出多少少，但求食到靚料。現在則是訂價要親民，希望吸引街坊日常都會幫襯。Ken師傅說，當初決定轉型，的確頗為掙扎，「雖然同樣係鐵板燒，亦同樣係我手勢，但以往不用追求量，做得精啲。而家轉走親民價，就要追求數量，每日都要計住賣到幾多份食物。」
全店四款丼飯 最平招牌$58燒牛肉丼
以往是$500/起一位的頂級食材，現時餐牌最貴的菜式是$108的鰻魚炒飯，最平$58已經食到鐵板燒牛肉丼。價錢平了一大截，當然不會再用和牛或美國頂級牛肉，但Ken師傅自問「牛肉質素絕對過到自己過到人」。當然最值錢的還是他的手勢及調味配方，現時餐牌上四款丼飯：牛肉、豚肉、羊肉、鰻魚，每款都有獨立醬汁，像招牌牛肉丼飯，飯底會加上丼飯洋蔥汁，牛肉簡單加鹽燒香，再淋上牛肉燒汁及wasabi忌廉沙律醬，一碗飯有三種醬汁。牛肉煎得剛好，軟腍入味，醬汁微甜有層次，$58絕對抵食。「薄燒牛肉」是以往大受熟客歡迎的菜式，以薄切牛肉片，捲著炸蒜片及蔥等，加少少紅酒及醬汁快炒，捲起一啖送入口，啖啖肉又要帶點紅酒香。
份量足，牛肉鋪滿飯面，燒至每塊腍身入味，配醬汁入口微甜，飯中另加了丼飯洋蔥汁，吃到底都有味。
餐廳暫時主打9款菜式，Ken師傅說餐廳轉型個多月，不少街坊客人都未太認識小店，暫時生意只屬一般，不過在此艱難時刻，他非常感謝不少特意過來幫襯的熟客，希望靠食物質素贏來口碑，賺取生存空間。
除了肉香酒香，蒜片一咬微脆香口，送酒好夾。
鉄皇子小賣所
地址：元朗鳳攸北街11-15號益發大廈地下1號舖(地圖按此)
電話：54993728
全新訂座平台「Yahoo訂餐廳×Openrice」正式上線！
更多元朗美食推介
元朗美食︱印度兄弟主理 家庭式經營小店賣Momo餃+熱賣油炸波波
元朗美食2023｜元朗10大美食小店推介！米芝蓮推介刈包/超巨型炸雞髀/香脆炸蠔餅
元朗美食｜人氣咖啡店NOC Coffee Co.登陸元朗形點！日式禪意美學裝修打卡一流！ 新店限定煙燻伯爵茶薑味梳打
元朗軟飯王結業！ 等足兩小時$55椒鹽豬扒炒飯 夫妻檔人龍店Last Call!
元朗美食｜永順食店沙嗲牛肉麵連關注組都大推屬香港三甲之一？ 炸雞翼/炸豬扒/芝士流心蛋豬扒治
元朗美食│90後鐵板燒大廚開舖賣慢煮雞胸 店主：邊個話雞胸一定難食？
Sora Cafe藍帶餅廚推限量哥基屁屁Bagel網民超冧！ All Day Breakfast/卡邦尼意粉/抹茶鮮奶
元朗吉列牛元祖店The Backstreet Kitchen宣佈結業 網民不捨 石燒吉列牛小排/石燒一口牛肋肉
元朗壽司郎│Sushiro壽司郎元朗新分店於夏天開幕屯元天各一間？ 網友期待與元氣壽司正面交鋒
元朗嘉發麵包小食明年結業網民不捨倒數幫襯 爆餡格仔餅街坊譽為宇宙最好食？
元朗美食推介合集！即叫即燒章魚小丸子/日式全白Cafe戶外打卡位/名古屋雞肉拉麵
元朗美食｜麴町章魚小丸子正式重開！必試$35足料芫荽章魚燒、明太子章魚燒、蟹膏章魚燒
元朗美食│台灣媽媽主理台式夜市小食店 地瓜球雪糕+炸雞排骨+芝心雞排
元朗美食｜獨當一麵 $58餃子放題！30分鐘任食5款自製餃子＋煎餃鍋貼 正負評參半
元朗美食｜母子走鬼檔入舖！元朗賣清湯豬雜+碗仔翅+自包韮菜餃
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
