翻雲覆雨 肉搏連場 陳煒性感「胸」險 馬德鐘唔敢睇

馬德鐘昨日為新劇《雙生陌生人》宣傳，他扮徐榮劇中的角色出場，徐榮則反串扮湯洛雯，成功炒熱氣氛。馬德鐘劇中與靚湯和陳煒有不少親熱戲，陳煒更爆出有場翻雲覆雨床戲，拍時驚跌嘢出來，相當「胸」險。

無綫都市奇幻喜劇《雙生陌生人》昨在電視城舉行記者會，馬德鐘、湯洛雯（靚湯）、陳煒、何廣沛、蔣家旻和徐榮等出席，馬德鐘和徐榮其後突然消失，原來換衫變造型。之後馬德鐘頭戴cap帽和穿吊帶褲跳跳紮出場，走到靚湯身邊叫「我要你，風姐」，而扮靚湯的徐榮卻名不副實，一點也不靚，穿高衩裙露出一雙飛毛腿，扮相頗嚇人。

馬德鐘表示喜歡挑戰角色扮演，不覺辛苦，直言他拍《雙》劇最辛苦，等如拍了兩套半劇。談到與兩女角的親熱場口，馬德鐘輕描淡寫稱只有少少，陳煒即反駁：「咩少少，翻雲覆雨呀！我着住絲質睡衣，好性感，好驚跌出嚟，驚見到啲唔應該見到嘅嘢，好暈。」馬德鐘笑言拍攝時盡量反白眼，不敢正視。

靚湯准男友踢波

靚湯稱拍吻戲前有向男友馬國明講一聲，豈料馬國明話「又有錫戲」？她覺得拍親熱戲前預先知會是尊重，不算備案。生日未知如何慶祝，笑言應該會與馬國明一齊過：「佢要踢波，一個好嘅女朋友要畀男友去踢波。」

另外，蔣家旻提到早前傳她介入敖嘉年婚姻，她再次強調自己200%單身，絕不會當小三，同敖嘉年只屬朋友，對緋聞感不開心。