聲夢傳奇|姚焯菲對文凱婷捧蛋擺O嘴表情 網民狂轟Chantel

·2 分鐘文章
Gigi & Chantel
Gigi & Chantel

TVB歌唱選秀節目《聲夢傳奇》決賽將喺今晚(19日)8時半以現場直播方式進行,由最後5強炎明熹(Gigi)、姚焯菲(Chantel)、鍾柔美(Yumi)、何晉樂(Rock)及冼靖峰(Archie)角逐總冠軍殊榮。

被視為大熱嘅炎明熹與姚焯菲一向備受關注,而喺上星期六播出嘅5強爭奪戰中,姚焯菲就成為「表情包」,多次因表情太豐富而引起網民討論;姚焯菲與炎明熹以孫燕姿《遇見》作為對戰歌曲,最後由炎明熹以3分之差,11比14輸咗畀姚焯菲,跌入危險區。有網民留意到姚焯菲等待公佈分數嗰陣好緊張咁拖住炎明熹,但當知道自己高分過對方,就即刻笑晒口並鬆開炎明熹隻手,就連安慰說話都無句,認為姚焯菲扮弱者:「佢幾咁機心幾咁假」。

仲有就係喺炎明熹與文凱婷(Aeren)對戰宣佈25比0結果一刻,網民留意到姚焯菲勁O嘴,仲話個表情好誇張:「Chantel勁hea,個樣又X,佢其實是咪心地麻麻」、「心地未必差,不過o靚妹好勝心強,又唔識收埋咩都擺上塊面」;亦有自稱係姚焯菲粉絲嘅網民留言,話自己見到文凱婷咁樣都眼濕濕,但對於姚焯菲不為所動,手都懶得拍呢個行為表示有啲傷心。

近排亦有網民覺得TVB太過吹捧姚焯菲,就好似早前姚焯菲粉絲不滿姚焯菲喺奧運主題曲《奪金》無咗同JW合唱嘅畫面同埋出鏡太少,最終TVB順應民意剪輯一個新版本,令人感到反感;唔知以上呢啲事又會唔會影響到姚焯菲今晚嘅表現同埋「觀眾熱選大獎」結果?

Gigi & Chantel
Gigi & Chantel
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能