聽到O嘴!林泳淘爆當年選港姐原因

東方日報 OrientalDaily
林泳淘離巢之後,依然工作不斷。
林泳淘離巢之後,依然工作不斷。

前《東張西望》主持林泳淘自從離開無綫後,依然有唔少嘢做,佢除咗早前參演ViuTV新劇《打天下》之外,仲喺網上開設個人頻道,尋晚正式啟播啦!頭炮短片上載冇耐,點擊已破6千。

林泳淘當年選港姐入行。
林泳淘當年選港姐入行。
林泳淘喺網上開設個人頻道。
林泳淘喺網上開設個人頻道。

喺片中小背心上陣嘅林泳淘,不斷狂答粉絲提供嘅問題,期間有啲問題都算尖銳,包括問佢有冇後悔加入無綫,佢就答得非常真性情,佢話當年入無綫並非衝動,係家姐阿媽鼓勵佢參加港姐,當時佢不禁反問傳統保守嘅媽媽,選港姐要着泳衣喎,自己平時三點式都唔着,隨便笠件衫喺出面就算,點知佢阿媽答佢:「冇所謂啦!畀人睇吓囉!又唔會少忽肉!」不單令林泳淘O嘴,仲因為咁而參加港姐兼入行。有粉絲仲問:「如果無綫叫你返去,仲返唔返?」佢答話短期都唔會返去住,仲話喺無綫嘅日子,好似喺木人巷咁學好多嘢。

林泳淘無悔加入TVB。
林泳淘無悔加入TVB。
不過就短期內唔會回巢。
不過就短期內唔會回巢。

對於感情狀況,林泳淘誠實「利申」,話現任男友係舊年聖誕嘅同學聚會入便認識,大讚對方雖然好少嘢講,但一開口就好幽默之餘,仲自爆自己慣咗一遇到啱嘅,就會主動追求,包括呢個男朋友都係自己主動追返嚟。佢仲話拍拖相處之道,就係要發掘對方多啲優點,一邊發掘一邊學習。嘩!唔怪得唔少網民睇完,都話呢位前《東張》女神夠貼地,零港女味,仲話如果自己個女友都識,就執到咁話!

林泳淘講拍拖相處之道。
林泳淘講拍拖相處之道。

你可能還想看