聽懷舊歌歎懷舊菜

【星島日報報道】年多前，有一宗令人不快新聞，關於饒宗頤文化館。因在館內經營餐飲的社企「銀杏館」約滿，不獲續約，令長期投資及心血付諸東流，當然不滿，指責文化館決策層「過橋抽板」。牌面上，是強欺弱，所以甚多人替「銀杏館」不值。文化館那邊董事局，則覺自己是啞子吃黃連，因饒宗頤文化館不但是非牟利機構，另外，更要自負盈虧，若收入不足，將會有災難性後果。所以，大群「義工」董事局成員，日日要為文化館生存下去度橋，以免乾塘。其中，出租餐廳乃主要收入來源，怎不希望這方面收入愈多愈好？「銀杏館」約滿，必須再招標，以示公允，冇 底私相授受外，更重要，希望下一個承辦集團能為文化館提供更多收入，以解經濟困局。 開標結果，種種條件（經驗、出品、歷史、管理、發展計畫、出手……等），「饕餮集團」皆比「銀杏館」優勝，自然，正路決定，與「銀杏館」分手。結果，饒宗頤文化館被公眾指責「無情無義」，慘情，冇得唔吞，只好由時間洗掉負面形象。 轉換經營者初期，新餐廳「頤膳房」拍晒烏蠅，顧客疏落。不過，商業經營者勝在轉膊快。首先搞掂停車位，讓 車客能放心光顧。然後，請來著名懷舊歌聖手Solo，每星期一、三、五、六駐場演唱上世紀四十年代至九十年代經典中英文金曲。路 擺明做中產中老年人生意，故此，菜單設計亦走懷舊路 ，早餐有粥、麵、油條。午餐西式有沙律，中式有各式炒粉麵。下午茶餐提供法蘭西多士、豉油雞翼等等。晚餐，大做廣東菜，集團調來師傅，確有料到，我幫襯過幾次才決定在此推介，尤其出色為大良炒鮮奶、秘製滋味雞，定價合理。食懷舊菜聽懷舊歌，絕高享受。不過，紅酒友留意，要收開瓶費！ 地址：青山道八百號饒宗頤文化館H座 電話：2811 9398 阿碌開咪 曾智華 專欄