胡楓開騷唱足3粒鐘 梁家輝神還原謝賢 「4小生」合體

·2 分鐘文章
扮謝賢的梁家輝(左起),跟Joe Junior、曾江與胡楓大放笑彈。
扮謝賢的梁家輝(左起),跟Joe Junior、曾江與胡楓大放笑彈。

資深藝人胡楓再次打破3年前創下紅館最大年紀開個人騷的紀錄,雖然帶病上陣,但他唱足3粒鐘超額完成。影帝梁家輝扮「四哥」謝賢登場,重演當年掌摑曾江的經典場面,觀眾捧腹大笑。

胡楓前晚以89歲之齡,在紅館舉行《胡楓約你開心派對2021》演唱會,開放75%座位全爆滿。雖然他喉嚨不適,但依然演出逾3小時。表演嘉賓《愛.回家之開心速遞》演員林淑敏、呂慧儀及許家傑等率先登場,緊接有老拍檔羅蘭,不過女方獨唱《天各一方》時入錯Key、走音兼甩嘴,胡楓搞笑說:「好多人叫我搵個唔識唱、唔識講嘢嘅嘉賓,第一個諗起你。」之後薛家燕、陳潔靈出場表演,當胡楓與樂隊Supper Moment一齊Jam歌,即時回春似30歲,活力十足。

「上次打完交未見過」

全晚高潮是「4個小生」合體,曾江、Joe Junior和「偽四哥」梁家輝登場,家輝穿皮褸、戴眼鏡及束起頭髮,除了外形幾可亂真,連聲線亦非常神似,之後他惡搞四哥掌摑曾江事件,他說:「上次打完交都冇見過!」並叫Joe Junior小心:「你都係戴眼鏡,因住飛咗去呀。」全場大笑。曾江有感而發說:「從未試過咁多人一齊咁開心。」壓軸出場還有林子祥,他向胡楓說:「我細個睇你大,好難得。」

完騷後,胡楓受訪時自爆在後台休息了十多分鐘才回氣:「人唔攰,係喉嚨攰啲,臨尾都Cut咗3首歌。(明年再破紀錄?)90歲呀!未知呀。」提到邀得家輝代替謝賢,他搞笑說:「嗰個梁家輝咩?你點睇嘢?」原來他試過睇相認錯家輝是謝賢,亦看過對方做鍾鎮濤演唱會嘉賓時的扮嘢功力。問到謝賢為何不到?他說:「唔知,可能佢嬲我。」對於曾江毋須用拐杖演出,他笑指對方可能吃了藥:「佢食咗尿酸藥,你諗咗去邊?」

林子祥壓軸出場,與胡楓孫女合唱。
林子祥壓軸出場,與胡楓孫女合唱。
胡楓寶刀未老,與薛家燕鬥舞。
胡楓寶刀未老,與薛家燕鬥舞。
《愛》劇演員上台獻唱,場面熱鬧。
《愛》劇演員上台獻唱,場面熱鬧。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能