自責似精神出軌 方力申拍親熱戲「動L」 對手係張馨予？

方力申近日在節目中自爆，10年前跟女星拍超激親熱戲時有生理反應，要靠「念母親」才能平復，當年正跟鄧麗欣拍拖的他，自覺在精神上出軌！至於令他「有反應」的對手，疑是吳卓羲舊愛張馨予！

曾志偉與錢嘉樂主持的綜藝節目《講你都唔信》，最新一集請來方力申、張達明、林子聰等擔任嘉賓，但要數最勁爆的故事非小方莫屬，他大談男演員拍親熱戲的辛酸，透露約10年前在內地拍攝一部電影，當中有場超激床上戲，小方更形容為「平時接吻都未試過咁激」！

吻戲「伸脷」反擊

小方說：「嗰場係個女仔做主動，喺床上翻雲覆雨，導演話『我唔叫停，你哋唔好停』，我除咗上身衫，對手又着得好少，最後個女仔喺我上面。演完呢場戲，副導演叫我對下一場戲，我話可唔可以畀我歇一下。」原來「小小方」有生理反應，他笑指當時全靠「念母親」，即想着買甚麼手信給媽咪才成功平復情緒：「點解話係辛酸呢？因為我嗰時拍緊拖，我有咁嘅反應，覺得精神有少少出軌！」他與舊愛鄧麗欣由2006年拍拖至2016年才分手，故他當年的女友正是鄧麗欣。另外，他又表示拍接吻戲不會主動伸脷，但試過有對手伸脷，他便「禮尚往來」回敬對方。

翻查資料，小方曾於2013年拍過一套內地電影《致命閃玩》，戲中與張馨予有親熱戲，當年張馨予受訪時表示她的螢幕初吻及第一次激情戲也給了小方。