與王敏奕談情 保持距離 朱敏瀚擔正做AI 難逃一脫

入行12年的朱敏瀚在新劇首度孭飛「男一」與王敏奕談情說愛，但新劇再觸動「國防級家嫂保護機制」沒有親熱場面，王敏奕否認，並笑指如屬實，拍好的另一劇集《婚後事》便推出無期了。

王敏奕、朱敏瀚、黃子恒及譚嘉儀等昨日在將軍澳電視城為無綫新劇《虛擬情人》（暫名）試造型。入行12年的朱敏瀚首次做「男一」，扮演由王敏奕所創造的虛擬情人。對於首次做男主角，他說：「做男主角就冇乜特別感覺，反而半年前接到呢個高難度角色，覺得好興奮，角色係拍劇以嚟要做最多工夫。」講到角色被指是李佳芯演出《智能愛人》的「男版阿寶」？他說：「今次同其他AI唔同，今次係有人性，仲有幾個唔同版本。」

而王敏奕在劇中「自肥」，與自創的機械人談情，笑問AI是否以老公為藍本？她笑言外表要俊朗及有暖男feel，劇中的亦是其心目中的男神。提到她在台慶劇《法證先鋒V》被黃宗澤（Bosco）笑指遭啟動「國防級家嫂保護機制」而沒有親熱戲，今次新劇同樣沒有親熱場面，她笑說：「如果係咁，拍咗嘅《婚後事》就唔使出街。Bosco咁講只係保護我，唔使畀佢嘅fans鬧。」

由演戲講到煮餸？

至於近年幾乎每劇皆要除衫騷肌的朱敏瀚，笑言今次亦不例外，並說：「公司唔會對我咁好，唔使我除。」他又指很開心能與對演戲相當有熱誠的王敏奕合作，2人鏡頭外傾偈話題也不離演戲，王敏奕聞言即笑說：「再熟啲應該會講煮餸。」