英國小鎮酒吧防疫新招 吧枱裝電網?
講起「電網」,大家可能會諗到《侏羅紀公園》入面困住恐龍嘅通電欄網,但又點估得到有一日連一間小小酒吧居然都有電網!
位於英國小鎮Cornwall,當中唯一一間酒吧為咗防止客人接近,居然放置電網於酒吧吧枱前。呢間係位於小鎮旅館Star Inn中嘅鄉村酒吧,老闆Johnny話「我哋係Cornwall第一間、亦係最後一間鄉村酒吧。」為咗服務居民可以有得飲酒消遣,Johnny決定繼續開門賣酒,不過同時為咗保障職員安全,唔希望人客太接近吧枱,於是自置呢個小小電網,仲大大個牌寫住「警告!電網」(Warning!Electric Fence),要求客人保持社交距離。其實自英國疫情放緩,酒吧及餐廳可以恢復營業之後,已經先後有3間酒吧因為有顧客確診而要再度關閉,所以老闆Johnny並唔係過度擔心呢。
相關文章: