莊思明楊明 龍蝦慰員工開年

東方日報
·1 分鐘文章
楊明及思明唔同員工乾杯,改為「碰龍蝦」。
楊明及思明唔同員工乾杯,改為「碰龍蝦」。

莊思明與楊明年前開始以情侶檔闖飲食界,先後經歷社運及疫情打擊,生意難免受影響,幸而員工落力盡責,甘願在逆境中互相扶持。昨日晚市堂食重開,他們與員工趁開工前食盆菜「開年」,並以「碰龍蝦」代替碰杯,開懷飽吃一頓。談到可以做晚市堂食生意,思明說:「好開心,相信好多人期待咗好耐,太長時間冇得出街食飯喇!我哋會清潔好門市,確保消毒工作,同埋員工會做足檢測,希望復市後生意有好轉啦。」

至於楊明表示:「好彩有儲落營運資金,原本打算用嚟再開分店擴充,依家就要放慢腳步,一步步嚟。疫情中維持到咁嘅生意額,算托賴喇!」身為老闆的他深知員工默默付出,感恩遇上一班「有心人」,女友接口說:「有時有Project,佢哋仲緊張過我哋,不眠不休想做好啲,要我哋趕先肯走。」

林夏薇落舖派利是

同樣經營多間食肆的林夏薇,昨晚專誠到在山頂投資的餐廳,向員工大派利是,她說:「第1日放寬,人流多咗好多。員工士氣一直好好,好似一家人,我落舖頭派利是,希望大家開工大吉!身體健康!」

林夏薇巡舖派利是,順便坐鎮吸客。
林夏薇巡舖派利是,順便坐鎮吸客。