莫凱謙參加《殘酷一叮》後遭欺凌 現專注發展音樂事業

·2 分鐘文章
莫凱謙參加《殘酷一叮》後遭欺凌 現專注發展音樂事業
莫凱謙參加《殘酷一叮》後遭欺凌 現專注發展音樂事業

如果要數無綫經典綜藝節目,當然唔少得有李克勤及梁榮忠主持嘅《殘酷一叮》啦!每集節目都有唔同參賽者施展渾身解數,務求可以留喺台上耐啲,當中以「莫生」莫凱謙、喬寶寶、鍾凱琪及馮文樂最為突出。當年只有6歲嘅莫凱謙,而家已經長大成人啦!

莫凱謙當年除咗與主持人嘅老積對話搶盡風頭之外,佢唱起情歌上嚟感情豐富唔怯場,更憑翻唱容祖兒《習慣失戀》而一夜爆紅。雖然佢之後成為童星,睇到呢個世界唔係淨係得學校及身邊朋友,不過佢喺接受傳媒訪問時就認為自己失去童年一啲嘢,周末唔會去公園玩,仲試過被欺凌,例如將佢嘅書本丟到垃圾桶。之後,佢仲話童星身份永遠搣唔甩,啲人永遠淨係記得佢係《殘酷一叮》嘅莫生,佢好想人哋可以認識蛻變嘅莫凱謙,不過音樂同表演藝術係佢鍾意嘅嘢,所以佢唔會感到後悔。

好多年青人都想努力追夢,莫凱謙都唔例外。為咗達成音樂夢,佢喺中文大學讀書時已經一邊讀書一邊玩音樂,期間仲參加唔少歌唱比賽。畢業之後簽約做歌手,2017年推出個人第一首個音樂作品《跳》。現時嘅佢繼續發展其音樂事業,只想努力做好自己嘅創作,寫好唔同嘅歌曲作品。

莫凱謙
莫凱謙
莫凱謙
莫凱謙
莫凱謙
莫凱謙
莫凱謙
莫凱謙
古巨基 & 莫凱謙
古巨基 & 莫凱謙

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!