菁析九型人：《繽FUN星網》剖析第六型忠誠者 陳百祥授徒摘后冠 愧對何依婷

《繽FUN星網》全新節目康活健全效逆齡三合一呈獻《菁析九型人》–港姐篇，由對這方面素有研究的陳芷菁擔任主持。首度參與東網節目的芷菁以港姐大師姐身份，訪問了3位跟她相交多年的港姐司儀，頭炮嘉賓就是主持港姐大賽經驗豐富的殿堂級司儀陳百祥（阿叻）。他們在節目中暢談港姐經，阿叻有感對2017年港姐亞軍何依婷欠公道並自爆司儀身價，而芷菁則揭開其九型人格面紗。

阿叻出名轉數快，問到港姐佳麗應如何面對司儀的刁鑽問題？他即自責當年對何依婷有欠公道：「嗰年港姐比賽要一班佳麗喺咁多個司儀中揀師傅，姓雷（雷莊𠒇）就揀咗我，何依婷揀咗DoDo（鄭裕玲），其實嗰年各方面嚟講，9成9係何依婷贏，但姓雷揀咗我做師傅，我又唔畀得佢輸，真係教佢揮低咗何依婷。咁對何依婷好唔公道，因為姓雷呢位靚女冇再喺電視圈發展，反而何依婷一路發展緊，如果佢係第一名，佢行嘅路短好多。」另外，他又自爆司儀身價：「我有做慈善騷同其他騷，港姐騷係5倍，對比所有我做嘅其他騷。我個身價係定喺港姐騷，我淨係簽一個騷，原則上呢個騷都夠養我一年。」

做足功課先認叻

訪問前，芷菁為阿叻做了一個九型人格的測驗，分析出他屬於第六型人格：「阿叻係6號忠誠型，對感情好忠誠，但係側向5號理智型，意思係佢做決定時會做足資料蒐集，即係當佢認叻嘅時候，其實佢事前係有研究過。而6同3係同一軸，3號係Achiever（成就型），所以佢係一個一係唔做，做嘅話就一定要成功嘅人。」她指了解過阿叻的九型人格後，就會明白他認叻背後是有備而來，所以絕對值得認叻。

另外，東網靚女主播仙迪首度在《繽FUN星網》節目中露面，並為大家解構逆齡美肌的秘密！