菊梓喬否認換畫 撒嬌叫Ron陪睇戲

菊梓喬澄清並非密會新歡,只是與朋友一同睇樓。
菊梓喬澄清並非密會新歡,只是與朋友一同睇樓。

與吳卓羲(Ron)被視為一對的歌手菊梓喬(Hana),雖然雙方未有公開戀情,但Ron曾高調欣賞Hana有份演出的跨年騷,又歡迎對方到他家任攞防疫用品,情侶關係似乎開始明朗化。

不過,Ron未必「坐定粒六」,因Hana日前被拍得與金毛男遊車河兼睇樓,被指背Ron密會「新歡」!對此,Hana受訪時澄清:「係同幾個朋友去正常睇樓咋!仲有兩個女仔一齊。(搬呀?)唔係,我同妹妹分開住幾十年,今次只係幫妹妹睇,因為佢要開工唔得閒,佢都租咗,仲搬埋喇!」對於Ron出席新片首映禮時叫她自己入場,她撒嬌說:「我都想有人帶我去睇戲。」

至於Ron在首映上透露片中打戲連場,盡可能不傷及對手,但試過被誤傷:「拳腳易啲控制,有武器會難遷就。」談及3間電視台齊推重頭劇對撼,他認為是好事,希望重返當年《上海灘》人人追劇的繁盛年代。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能