菊梓喬自認眼淺「喊得靚」

·1 分鐘文章
菊梓喬雖然唱得,但要面對即場評價仍感緊張。
菊梓喬雖然唱得,但要面對即場評價仍感緊張。

歌手菊梓喬前晚到電視城錄影《勁歌金曲》,大呻緊張:「因為今次有導賞團去評價,同埋有觀眾即場畀like。(驚唔驚畀人鬧到喊?)唔知呀,頭先綵排都好驚。(易唔易喊?)好易(口架)!人哋批評1、2句我都會喊,所以袋定紙巾。」她又搞笑自誇「喊得靚」:「我拍MV都喊得好好,但真喊會好肉酸。(怕唔怕嚇親觀眾?)應該有一半會走咗,哈哈。」

講到之前與「死敵」吳若希首次合唱,她表示:「真正見到大家就夾咗2、3次,但自己喺屋企練咗好多次,因為唔同key,比較難夾。」問到覺得誰唱得好聽?她謙稱:「一定係前輩好聽啲。(佢話合唱冇下次?)希望可以同多啲唔同歌手合唱。(你哋有冇增進感情?)都係一樣。(都係唔啱傾?)專心做音樂同努力啲。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能