落實擂台戰 林作鍾培生簽生死狀

林作與鍾培生已簽署擂台戰合約,並簽埋生死狀。
林作與鍾培生已簽署擂台戰合約,並簽埋生死狀。

麥明詩舊愛林作與「百億富三代」鍾培生的「百萬擂台戰」,口水戰超過半個月,昨日鍾培生透過公關發通告,明日在家舉行「林鍾大戰」記者會,2人屆時會首度見面。

昨日他們受訪時透露幾日前已簽好合約,林作霸氣說:「會喺記者會公布細則,我要求搞大佢,但要畀時間我操,有人幫我操,不過我唔會減磅!(擔心拳腳冇眼?)條款入面有寫『打死』字眼,打死冇命賠!(阿媽批准你打?)我阿媽已OK,我條命冇富三代咁矜貴,只值100萬!」又表示有網民願贊助醫藥費,而他早於20歲已買下500萬保額的保險,現會眾籌加多500萬。至於鍾培生被問是否打死無怨?他說:「已簽生死狀,今次係一個正規賽事,打死冇得追究!(好嚴肅?)要尊重擂台,預計今年中打!」

鍾培生
鍾培生