葡萄友：呢個年頭 所有藝人都要識煮嘢食囉

最近李家鼎（鼎爺）喺大台主持嘅飲食節目大受歡迎，其出色廚藝同經驗之談又的確好似佢武功一樣咁真功夫無花假，令一眾師奶Fans大叫好睇。同時亦帶嚟鼎爺嘅第二春，訪問呀、廣告呀、花邊新聞統統有齊！好現實咁講，鼎爺一直喺大台都係做甘草嘅角色，連嗡得出名嘅都無一個，而且通常都係做邪派，大奸大惡，已經無人記得佢實際上係做過李小龍等人嘅替身，出身絕不寒酸。但偏偏幾十年嚟用真功夫用真刀真劍紅唔起，返而走入廚房拎起菜刀，唔使一個月已經紅過幾十年嘅加埋，入屋快過打針。大家都有眼見，大台做飲食節目幾乎馬不停蹄，一個接一個，大把二、三線藝人都係靠煮嘢食上位。點解呢？

多師奶FANS
問心，仲睇緊大台嘅，十之八九都係師奶觀眾，師奶最緊張係咩？咪個廚房囉，捍衛自己老公、仔女嘅胃嘛，所有煮食節目最實用，教大學點煮啦，去街市點揀靚料篇，都係千篇一律嘅環節。

製本成本低
長拍長有其中一個原因係拍煮食節目，其實製作成本比較拍旅遊、綜藝節目要低得多，一來大部分係同一個廠景，二來一日可以拍兩、三集節省成本，三來材料���貴，而且近期仲興愈平愈好，點會唔拍多幾輯。

點石成金
唔少二、三線藝人喺劇集到無乜發展，但原來有一身好廚藝，又令大台成功培養多出一個賺錢人才，近期嘅鼎爺就當然係啦，之前嘅陳煒效果就差好多，所以想點石成金都未必每次必定成功。

好唔好食邊個知
從來煮食節目最好係無人評論到嘛，拍攝節目時只需要在乎過程及成品美唔美觀，根據一貫飲食雜誌拍攝方法，好多時成品會後期加工，變得色澤、外觀上更吸引，其實味道根本普普通通。