蔚雨芯 840萬再入市做包租婆

東方日報
·2 分鐘文章
蔚雨芯近期忙拍無綫新劇。
蔚雨芯近期忙拍無綫新劇。

「魔鬼胸」蔚雨芯睇準樓市升值,去年首置在將軍澳上車成功後,最近再入市,在西九買入一個800多萬元的細單位,投資有道的她被批將行20年大運,她希望眼光獨到在樓市方面有斬獲。

最近忙於拍攝無綫新劇《十月初五的月光》的蔚雨芯(Rainky),去年首次做業主,在將軍澳買入770萬元單位,前日她又睇中西九龍維港匯,並中籤揀樓,她揀選840萬元的一房單位,並在社交網上載限時照片,手執樓盤資料,開心得宣布又做業主!

Rainky昨日受訪時透露新樓是與生意拍檔夾份買,作為投資用途,她說:「我哋睇好呢度有升值潛能,出年收樓後會放租,計劃持貨3、4年賺少少就賣。」

靠「第三者」攞首置名額

與父母及細佬一家4口同住的她,將由荃灣西搬去小欖,但自問承擔不到千萬單位的風險,笑說:「屋企層樓係阿爸阿媽,我冇供,不過有畀家用。」對投資物業甚有興趣的她,主攻1廳1房的細單位,並說:「本來我哋預算750萬左右,但到我哋揀嘅時候冇晒,我鍾意買新樓投資,因為會有啲優惠,只係畀1成首期。」去年她與拍檔各自用了首置名額,故今次合資買樓找來保險經紀朋友的名義上會,她笑說:「我哋好熟o架,唔驚,有晒合約嘛!」

明年開始要供樓,她揚言要努力搵錢,慶幸其美容品牌生意成績不錯,並表示拍完劇要搞公司的新產品,她說:「有個台灣師傅話我2023年起會有20年大運行,希望靈驗,我都會畀心機工作。(你已經係富婆有2層樓?)係1層半咋!」早年盛傳與馬來西亞籍「富二代」鄭姓男友蜜運的她,卻說:「我係單身!(富二代男友呢?)冇,已經係好耐歷史嘅嘢,依家我專注工作。」