蕭正楠濟公下凡「毛」限犧牲!

·2 分鐘文章
蕭正楠飾演流落凡間的濟公,當中更有武打場面。
蕭正楠飾演流落凡間的濟公,當中更有武打場面。

蕭正楠與湯洛雯主演的無綫劇集《一笑渡凡間》即將首播,阿蕭為演濟公不惜剃盡腳毛;而劇中英明神武的「捕快」靚湯,實際上卻相當論盡,經常受傷,更被改名為「玻璃湯」!

無綫新劇《一笑渡凡間》將於5月24日起晚上9時30分在翡翠台播映,此古裝喜劇由王偉仁監製,蕭正楠、湯洛雯配搭沈震軒、簡淑兒、蔣家旻等,新鮮感十足。劇情講述阿蕭飾演的濟公成佛前,因失去記憶而流落凡間,並與飾演捕快的靚湯相遇,兩位歡喜冤家合力查案,鬧出不少笑話,讓觀眾在疫情下輕鬆一下。

阿蕭今次演繹的「Fashion濟公」,開工期間不時被集郵,讚戲服漂亮得可以參加年底頒獎禮,不過為演好角色,他連腳毛都剃光,認真大犧牲!他笑說:「濟公出場就好似瑪麗蓮夢露畀風吹起條裙咁,為咗騷美腿呢場戲,我將僅餘嘅腳毛都剃晒,不過,出嚟嘅效果又真係飲得杯落嘅!」他與靚湯除了鬥氣場面搞笑,溫馨鏡頭亦不少,阿蕭笑說:「佢戲入面成日受傷,我成日要孭住佢,佢都幾體貼,話『辛苦你喇!陣間實壓死你!』,不過講番句公道說話,佢冇我想像中咁重!」

阿蕭又戲言自己分飾兩角,戲中演濟公,戲外則是「明湯戀」的月老:「好記得馬國明嗰陣成日嚟搵我飲咖啡,雖然依家知道佢唔係真心,佢亦唔再喺我身邊出現,但親眼目睹佢哋走出人生一條感情路,都戥佢哋開心,哈哈!」

「玻璃湯」屢拗柴

至於「武女」湯洛雯戲中英明神武,身手了得,戲外卻不時拗柴,相當論盡!她笑說:「唔知點解成日拗柴,大家成日提我小心,覺得我係『玻璃湯』。」角色的豪爽性格與真實的她相似,卻被監製嫌太過麻甩,她笑說:「戲中係男人婆,連戲外都變到麻甩佬咁。」夏天拍古裝劇相當辛苦,但她揚言過程享受,劇本、拍檔也很好,是她其中一套拍得最開心的劇集。

演「捕快」的湯洛雯,被嫌太麻甩。
演「捕快」的湯洛雯,被嫌太麻甩。
蕭正楠與湯洛雯合力查案之餘,亦有溫馨時光。
蕭正楠與湯洛雯合力查案之餘,亦有溫馨時光。