蘋果渣回收再造「素皮革」 本地品牌製全素環保波鞋 碳排放較真皮鞋低 95%

【Yahoo 新聞報道】一般人視蘋果渣為廢物，有本地品牌卻化腐朽為神奇，利用回收得來的蘋果渣，將纖維轉化為「素皮革」，製作全素波鞋發售。每15個蘋果渣就可製成一對波鞋，讓純素生活者亦可腳踏純素物料，告別動物皮革之餘，生產波鞋的碳排放亦比真皮低95%。

文字記者：周詠雯

攝影記者：Davies

製造蘋果渣素皮波鞋的Natalie，過往於化妝品及時裝品牌任職市場推廣，發現不少化妝品由生產、包裝到銷售等過程及用料都不環保，包括塑膠外殼無法回收、產品每季轉款以致舊款易被淘汰、舊產品亦無法重用及重裝等。她在兩名兒子出生後決定離職，開展環保相關事業。丈夫任職鞋業生產及貿易業務的Natalie決定投資過百萬元發展「環保鞋」，店舖在2020年初、新冠肺炎爆發前一星期開業。

鞋帶源自回收膠樽物料

Natalie的店名是「Kibo」，日文是「希望」的意思，「為視為廢物嘅物料給予希望」。Kibo最初的產品是環保皮革波鞋，材料源自回收得來的皮革碎及膠樽，分解成纖維狀再重新壓成一塊新皮革，質感與一般皮革無異。鞋帶亦是回收得來的膠樽而製，鞋墊物料則是再生海棉（Recycle Rubber Foam），孤形設計貼合腳形，亦比一般鞋墊有彈力及輕身。Natalie指此類環保皮革、環保物料製衣在外國已很流行，「喺香港我哋就算係比較早嘅一個」。

Natalie近期引入植物提煉皮革製成的波鞋。這款全素皮革利用農業剩餘的蘋果渣等植物渣所製成，經纖維化後壓成素皮革，每對波鞋約含15個蘋果的蘋果渣。「因為我哋見到有啲人係全Vegan（素），後生同外國人嘅呢個社群都愈來愈大，有啲鞋真係有動物嘅嘢喺入面，所以我哋就出一對全素嘅波鞋」，給予全素人士一個選擇之餘，亦減低碳排放。相比一般波鞋，環保皮革波鞋的碳排放可減逾八成半，蘋果渣波鞋更減九成半。

年輕顧客捧場 每對售數百至千多元

雖然店舖開業即遇上疫情，但Natalie指購買波鞋的人不少，更形容顧客「有做過功課」，了解到波鞋背後的物料及公司理念才決定購買。不少客人年紀較輕，Natalie認為現時年輕一代接受愈來愈多的環保教育，消費模式有所改變，「真係會問吓品牌背後嘅故仔、喺邊度嚟、有咩特別」。Natalie亦主張公平貿易，希望供應鏈上的不同持份者可受公平對待；「人工會比最低工資高、喺合資格工廠做嘢……如果最底層整產品嘅人到最後（薪金）都搵唔到幾餐，我會覺得過意唔去」。

Kibo的環保波鞋定價為數百元至千多元，Natalie解釋：「唔想有啲人覺得好貴，環保唔關我事」。波鞋更能客製圖案，只需提供如貓、狗等照片，Kibo便會將圖片卡通化並印在鞋上。說到底，最令Natalie高興的是很多客人試穿即讚「嘩！真係好舒服」，更會繼續了解更多環保資訊，提升購物的敏感度，「希望過多五年、十年，呢類產品可以普及化，啲嘢平民啲，就係我最想見到嘅嘢」。

更多綠色新聞🌍資訊，即睇「Yahoo可持續發展」專頁！