雅虎香港新聞 
蟹籽恩准行埋 呂慧儀張景淳戀情浮面
36歲長腳蟹呂慧儀，今年三月宣布同前夫黃文廸早於上年已經離婚，被本刊率先踢爆有《愛．回家之開心速遞》劇中CP張景淳大獻殷勤，兩人拍劇一早過電，有新歡呵護備至，失婚的她不用孤單落寞，事隔四個月，近日兩人拍拖睇戲兼返女方香閨斷正，戀情開始浮面。38歲張景淳能夠冧掂長腳女神，全靠愛屋及烏，經常陪呂慧儀湊仔，氹掂女方囝囝蟹籽恩准融入破裂「三口之家」補位，日前兩人又被本刊拍得甜蜜拍拖去旺角買熱狗，雖然繼續避忌前後腳上落車，不過，講明乜都以「老闆」（蟹籽暱稱）行先的呂慧儀，男友細心行徑一早已過囝囝一關，公開第二春係遲早嘅事！
撰文：東方新地 圖片：新傳媒圖片、IG
呂慧儀 張景淳戀情浮面
今年三月前夫黃文廸被拍到在巴士啜女，呂慧儀亦不再隱瞞婚變一事，公開宣布已於上年同黃文廸離婚，兩人變回朋友關係，前夫有女陪， 失婚呂慧儀也不愁寂寞，本刊當時便率先爆出，呂慧儀移情拍檔張景淳，男方對受離婚打擊的呂慧儀呵護備至，拍劇時刻黐到實照顧周到，更每日高調發布「龔水日誌」，上載兩人拍劇時的生活點滴，人前人後甜蜜放閃。據知情人說：「離婚對阿蟹（呂慧儀）好大打擊，好彩仲有囝囝喺身邊，佢先可以咁堅強，就算幾唔開心，佢一見個仔就會開心番晒，喺最失意嘅時候，咁啱套劇又安排佢同Stanley（張景淳）由歡喜冤家變情侶，兩個人日對夜對，Stanley畀好多支持同安慰佢，阿蟹一有唔開心，Stanley就會拍片氹佢笑，婚姻失意嘅女人，呢個時候感情特別脆弱，好容易會投入另一段感情，女方自然地戲假情真！」
拍拖買熱狗
今年三月宣布和前夫黃文廸早於去年已離婚，當時本刊已率先爆呂慧儀因拍《愛．回家之開心速遞》同劇中CP張景淳撻著，雖然已行埋一段時間，但日前兩人穿情侶裝拍拖買熱狗，表現仍相當避忌，全程前後腳上落車，慌死畀人發現！
唔想兒子被談論
雖然開始第二春，不過當時被爆戀事的呂慧儀，卻矢口否認拍拖，只認兩人是螢幕情侶關係，拍拖都要收收埋埋，據悉呂慧儀全因要保護4歲兒子蟹籽。據知情者透露：「雖然同Dickson（黃文廸）離婚，但阿蟹好保護個仔，好想蟹籽可以繼續過平靜嘅生活，始終個仔仲細，唔想因為自己嘅戀情，畀人攞嚟做話題，對個仔指指點點，影響咗個仔成長，加上蟹籽就嚟升小學，阿蟹覺得就算畀唔到佢有個完整家庭，都想佢生活簡單開心，唔想影響到蟹籽嚟緊嘅升學面試，總之佢乜都以個仔行先，感情嘅嘢話遲一步先諗！」
湊仔大過天的呂慧儀，拍拖都要過兒子一關，張景淳 能成功冧爆長腳蟹，最重要梗係夠細心氹掂埋蟹 籽，三人相處早就儼如家人，一班《愛●回家之開心速 遞》同事亦一早收到風。
劇中由歡喜冤家變情侶，呂慧儀同張景淳比劇情發展更早過電，攞正牌開工拍拖收工約會，戲裡戲外都咁甜蜜。
大耍太極
但紙又怎能包住火？熱戀情侶又點可能唔過拍拖生活？日前，兩人拍拖到數碼港睇戲斷正，之後駕車遊勻港九去搵餐廳醫肚，最終因為多間餐廳關門，二人到旺角買外賣返女方屯門寓所篤魚蛋度春宵,雖然張景淳已登堂入室,不過,日前在電視城開工的呂慧儀就戀 情繼續大耍太極,發現記者即以劇本遮面走避,之後亦只肯接受公司 娛樂節目訪問,不過就不停兜圈唔認拍拖:「話晒我都拍戲,睇吓戲、 食吓飯好平常,喺套劇入面,我其實得一個拍檔,大家咁鍾意《愛．回家之開心速遞》,又咁鍾意「龔水」,收工一齊傾吓戲、食吓飯都好平常!(有冇發展可能?)將來嘅嘢好難講,或者佢同我個仔做咗契兄弟,我叫佢契仔 呢!依家對我嚟講,我淨係以我老闆為主。」同呂慧儀有晒共識的張景 淳亦否認拍拖,:「幕前我哋已經拍拖,keep 住依家關係都幾好。」
戀情開始浮面，呂慧儀連座駕都交給張景淳 負責駕駛，張景淳泊低車後先落車入咪錶， 之後行咗入小食店，呂慧儀隨後下車，當日 呂慧儀更一身透視短裙晒長腿非常戰鬥格。
陪蟹籽過暑假
雖然協議封嘴,但張景淳為冧女友一早學定做人爸,更已成功冧掂蟹籽。據知情者透露:「Stanley知道阿蟹最緊張個仔,拍拖唔會只係陪阿蟹行街睇戲食飯,好早已經融入阿蟹母子之間,成日會陪呂慧儀 湊仔,細路仔諗嘢好簡單,只要你夠愛心有耐性肯陪佢玩,就會慢慢接受你,Stanley咁體貼細心,蟹籽都好鍾意呢位哥哥,嚟緊蟹籽放暑假,Stanley已經plan好晒好多活動陪蟹籽玩,話呢個暑假一定畀蟹籽過得多姿多彩,Stanley咁識冧囝囝,阿蟹同佢一齊亦冇咁大壓力。」
兩人在小食店內亦分開企，刻意保持距離。
等呂慧儀上咗車，張景 淳才施施然步出小食店 行上車。
本周一( 7月8日)被爆戀情後,呂慧儀和張 景淳同在將軍澳電視城化妝間孖住化妝,本 來一直親暱傾密偈,但發現記者後即保持距 離,更以趕時間換衫為由拒絕受訪。
本來拒絕受訪的呂慧儀,最終和張景淳分開 接受無綫娛樂節目訪問,對於睇戲斷正及親 密同返香閨,呂慧儀繼續大耍太極,表示同 張景淳只是劇中拍檔,收工一齊睇戲、食飯 及行街都好平常,更表示自己只會和「老闆」(兒子蟹籽)拍拖,對戀情表現避忌。
張景淳同呂慧儀口徑一致否認拍 拖:「keep住依家友好關係都幾 好!」受訪時,呂慧儀更多次走出 廠大嗌「張景淳要入廠啦!」乘機想 打斷訪問,深怕男方講錯嘢。
高度戒備
除咗睇戲陪返香閨,日前兩人亦被本行拍到拍拖去旺角勝利道買 熱狗,當日張景淳駕駛呂慧儀座駕,兩人先將車停泊在錶位處,張景 淳落車入咪錶錢,然後入咗小食店揀熱狗和飲品,見男友入咗店 內,此時呂慧儀才放心落車行入舖頭,不過,二人在舖頭內刻意各據 一方,時刻保持高度戒備,買完嘢食,繼續避忌前後腳返上車。就算 唔親口公開認愛,兩人親密關係已經欲蓋彌彰!
當日兩人戲分並不同場,本已拍完 自己戲分的張景淳被呂慧儀嗌住入 廠,只見呂慧儀緊張嚴肅向男友哦 咗一輪。 畀女友訓話後，張景淳離開廠準備 換衫走人，已經封口十問九唔答。
咀出火
拍《愛．回家之開心速遞》戲假情真, 兩人開工攞正牌拍拖,早前一場咀戲 兩人更錫得非常肉緊。
此情不再
呂慧儀11年和黃文廸結婚,婚後一直女尊男卑,加上男方花弗,二人距離 愈走愈遠,最終敵不過七年之癢離婚收場,昔日三口之家幸福情景已經成 為回憶。
「老闆」大晒
今年 8月兒子便滿 5歲，呂慧儀坦言近日忙於為兒子升小學煩惱，事實上， 自 14年兒子蟹籽出世後，即使工作冇停手，呂慧儀對蟹籽亦照顧無微不至， 離婚後湊仔繼續親力親為，一定爭取時間陪兒子度過每個重要時刻，無論兒 子參加學校表演、落球場踢波或者游水，她都陪到實，更以「老闆」尊稱個 仔，絕對係廿四孝好媽。
4歲兒子當然唔明白父母的離婚關係， 呂慧儀早前在IG留言，表示兒子已經 會趁她不在家時，自己重看《愛●回家》， 更因睇到她與張景淳咀嘴一幕而唔開 心，以為媽咪唔再錫佢，要呂慧儀解 釋因為工作先咁做，可見呂慧儀低調 同張景淳戀情有因。
延伸閱讀：
