《街頭邱比特》幫SG Heidi找男友 香港網民不知Heidi是誰?

台灣網絡紅人「黑男」所主持嘅《街頭邱比特》非常受網民歡迎，節目主要係喺街上搵單身男女做配對，首先會搵問女方擇偶條件，之後會根據女方條件搵單身男仔即時安排見面。

節目中「黑男」經常搵到超級靚女，今次「黑男」喺街到仲搵到「香港頂級美女」Super Girls嘅Heidi李靜儀，仲話要即時幫Heidi配對。

喺片中Heidi表明自己係香港藝人，聲稱自己係單身，想搵180cm高、有點酷酷的、孝順同埋專一嘅男朋友。黑男即刻幫佢搵合適嘅男士，可惜問咗三位男士都唔係單身，所以今次配對行動宣布失敗。

片段出街後，唔少網民質疑節目造假，認為節目根本唔係隨機搵靚仔靚女，仲質疑黑男一早已經挑選好人選。更有香港網民話唔認識Heidi 「唔知個佢係邊個」、「奀星」、「而我不知道誰是Heidi 」等等，令到一班台灣網民都睇唔過眼話「香港人踩香港人」。

以前唔識Heidi唔緊要，家下可以介紹俾大家認識。Heidi 係香港女子團體Super Girls 其中一位成員，係2012年加入樂壇。曾經參與《女人俱樂部》飾演李若彤個女，亦因為呢個劇令觀眾印象加深。