被吳卓羲累得慘! 湯怡遭虐打休克爆喊

·1 分鐘文章
潘燦良既要虐打湯怡,又要肉搏吳卓羲。
潘燦良既要虐打湯怡,又要肉搏吳卓羲。

女星湯怡於英皇新片《致命24小時》中飾演盲女,被丈夫吳卓羲的仇家潘燦良綁架凌虐,她說:「開工第一日返屋企落妝已經嚇親,面部微絲血管爆裂,手腳開始發瘀。」拍重頭戲時她「被虐」足足一星期,加上連場歇斯底里的演出,一度休克,辛苦過生仔:「早排睇番自己嘅演出,一幕幕回憶湧現,頓時爆喊。」戲中慘受背叛的湯怡,有感而發說:「戲裏面如果唔係有咁嘅老公,我就唔會有咁嘅遭遇。(有冇試過遇上渣男?)好彩冇,不過身邊類似嘅遭遇大把。」

潘燦良於心不忍

至於首次挑戰「武打戲」的潘燦良說:「我真係唔忍心,每晚收工都同老婆(蘇玉華)講:『我又打咗佢(湯怡)喇!』多謝湯怡對我嘅信任,大家都唔想take two,但每場戲都聽到導演喺旁邊『吶喊助威』,叫我出力啲!」他又要與吳卓羲肉搏,雙方打到「爆枱」兼用刀仔爭持。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能