【裝修佬話你知】實木家具最怕蟲蛀！必學防蟲方法

（文：康少）

木材中含有豐富纖維素、半纖維素及糖、脂肪、蛋白質等，而呢啲成分都係蛀蟲、白蟻等昆蟲嘅營養品，成為佢地嘅盤中物。實木家具俾蟲蛀後棄之可惜，但又唔可以至於不理，究竟要點算呢？以下裝修佬同大家分享實木家具蛀蟲嘅解決方法。

實木傢俱防蛀方法

1. 用柴油抹，將已蛀蟲嘅木櫃放係太陽下，用毛刷沾柴油將木櫃全部擦一次，曬兩三個小時後再擦一次，等見到蛀蟲死係窿口即可，然後再用洗衣粉洗淨、曬乾。

2. 用火水同少量殺蟲水調勻，滴入蛀孔中，可以殺滅蛀蟲，但呢個方法唔適用於存放食物嘅竹器。 可於表面用濃鹽水擦多幾次，有防蛀作用。

3. 以棉花沾樟腦油，做成樟腦棉花丸，放置鋼琴、木制傢俱、衣櫃、梳妝台內，可驅蟑螂及防蟲蛀。 處理蛀蟲嘅角落，用生桐油、蟲膠漆或清漆等塗料刷到木櫃表面，可以令蛀蟲同空氣隔絕，達到防蛀效果。

4. 用尖辣椒或花椒適量，搗碎成末，塞入蛀孔，再倒滾水，有殺蟲作用。

衣櫃除蟲技巧

1. 防潮

防潮濕可買木炭或用飲過嘅茶葉，用布包好放係衣櫃，但要經常擰出去曬，否則無防潮濕作用。

2. 勤曬衣物

衣櫃生蟲主要係因為空氣太過潮濕，所以要令衣櫃保持乾燥，入面嘅衣物要經常係太陽底下曬，以達到殺菌乾燥效果。

3. 密封噴藥

將衣櫃嘅衣物全部擰出後再噴藥，噴藥時應關緊門窗，最後唔記得將衣櫃門關上，令藥物可以發揮最大效用。

4. 經常通風

蛀蟲係陰暗、潮濕、通風唔夠嘅地方先會滋生，裝修佬提醒大家，蛀蟲都鐘意係牆角底下、衣櫃、書櫃中，如果消滅之後，房間要經常處於明亮通風狀態，咁蛀蟲就無處容身。

(以上圖片均來自網路，如有任何版權問題，請與本站聯絡)

消閒資訊由熱新聞提供
原文連結: 裝修佬話你知 : 實木家具防蟲蛀方法 (康少)

更多相關內容

【室內設計】無窗睡房要如何設計？

裝修佬
致力於令香港沒有麻煩/爛尾的裝修。為實現這個使命，全體裝修佬成員不斷努力，推動裝修、建材、家居市場的規範化，改變著數千萬家庭的裝修方式和置家理念，為用戶創造卓越的互聯網裝修體驗。