親自作曲做才女 李施嬅撈過界 為劇集獻聲

由李施嬅主演的無綫新劇定於下月播出，身為女主角的她近日頻頻在網上發功宣傳，原來她有份作曲兼獻唱劇集插曲，撈過界做埋創作才女，獻出處女作。

由陳山聰及李施嬅主演的無綫新劇《金宵大廈2》，將緊接《飛虎3壯志英雄》播出。該劇拍畢2年，等到觀眾頸都長，眾演員得知消息都相當興奮，不時在社交網宣傳造勢。新一輯中施嬅有新突破，原來她會獻唱劇集插曲《相愛萬年》，更親自參與創作，令人期待。

昨日她在社交網宣布出歌消息：「第一次唱作，第一次自己個人嘅歌，期待一吓。」拍檔陳山聰即留言支持：「期待期待。」其實施嬅曾與海俊傑推出合唱歌《二次緣》小試牛刀，今次再出個人單曲及參與創作，大騷音樂才華！

感激唱片公司支持

施嬅昨日接受電話訪問時表示，新歌由她與表妹聯手創作：「係為咗《金宵大廈2》而作，但當時冇諗過真係會用得到，咁啱監製話要為套劇搵歌，佢喺機緣巧合下聽咗我首歌覺得合適，於是用咗。好開心，係上天安排，我負責作曲，由林若寧作詞，作詞都係要交畀大師級，佢寫到我想要嘅畫面，首歌會喺下星期一正式推出。」

她坦言出道時曾寫歌，但一直無人問津，亦無唱歌機會，直至前年跟海俊傑合唱：「當時同一間唱片公司合作咗一次，佢哋想再合作，叫我寫歌，我寫嘅時候唔知可以用到喺套劇入面，好感激唱片公司老闆咁支持同信任我，始終我唔係歌手，係佢畀膽我去唱同作歌。」