無綫話題劇《城寨英雄》今個星期進入結局篇，收視持續高開，不過劇中主角結局都非常悽慘！先有小智被炸死、段家慘遭滅門，而王君馨飾演的花曼/朝霞今晚將會被殺！由於此角極受歡迎，唔少觀眾都好唔捨得！就連君馨接受訪問、重提呢場戲時，佢都忍唔住當場喊咗出嚟！

續下頁

延伸閱讀︰

《城寨》花曼龍成虎慘死

艷舞女變鄰家女 仙氣花曼驚艷登場

今晚劇情講到花曼終於解開段折韁(何啟南飾) 死前遺下的符號，得知楊竹鑾(歐瑞偉飾) 就係幕後黑手，所以獨自到缽仔糕廠調查。期間遇上甲辰(張頴康飾) 帶領的殺手，對方人多勢眾又武功高強，花曼當然不敵！

雖然拳佬及時趕到幫忙，但依然救唔到傷重的妹妹，兄妹難得重遇，咁快又陰陽相隔…

王君馨日前接受訪問，重提呢場戲都忍唔住喊咗出嚟！佢話諗起都好傷心，因為花曼臨死一刻望住阿哥，希望佢唔好走自己的舊路，唔好為幫自己復仇而走上不歸路；同時又唔想阿哥好似自己以前咁，孤伶伶一人過生活，感情非常複雜。君馨回想起自己當時演呢場戲時，都非常傷心，一邊講一邊啜泣！

另外「牙佬」袁偉豪接受訪問時表示，對於劇情如此發展感到黯然，因為想不到先係小智被炸死、段家牙醫診所慘遭滅門，最終連未過門的妻子花曼亦難逃一劫。袁偉豪又透露，呢套劇大多角色都係悲劇人物，全部都好可憐。故事發展至今，佢自己都好傷心，有種唔捨得的感覺。

全文完