謝安琪讚Jer唱歌有熱誠

·1 分鐘文章

謝安琪(Kay)前晚舉行音樂會,邀得男團MIRROR成員Jer擔任嘉賓,2人合唱《大半生愛人》,Kay說:「好鍾意Jer,佢係在乎音樂嘅人,記得有次喺後台遇到佢,佢話唔舒服好困擾,因為佢好在乎自己嘅演出,所以被佢對唱歌嘅熱誠吸引。」又稱很喜歡新面孔,入行時獲不少前輩提點,相信Jer將來開騷,亦會請年輕歌手做交流。而Jer坦言小時候經常聽Kay的歌曲,形容對方是自己超級喜歡的女歌手。

完騷後,Kay受訪時表示演出尾聲幾乎忍不住喊:「但咁大個人唔好啦,呢個年紀好多嘢要處之泰然。」又笑着鬧在紅館開騷的張敬軒:「佢好誇張,搞到個後台咁,叫佢唔好拆,留番畀我哋用啦,佢啲衫同舞台去到呢個程度,我哋以後啲騷點算?」

親民的謝安琪落台與粉絲互動。
親民的謝安琪落台與粉絲互動。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能