譚詠麟陷桃色風波 爆料者挑機:我必奉陪到底

譚詠麟陷桃色風波 爆料者挑機:我必奉陪到底
譚詠麟陷桃色風波 爆料者挑機:我必奉陪到底

「樂壇校長」譚詠麟(阿倫)近日捲入桃色風波,並即時發聲明否認及譴責事件,自稱其23歲女友與已婚男歌手有不倫關係嘅爆料者亦「消失」近24小時後,今午(25日)佢再貼文,不過今次佢就未有繼續爆料,只係發文稱自己未有被「公關」,亦唔接受「公關」,又為自己嘅發文佔用公共資源,全因自己太嬲冇得宣洩所致。而佢仲將女友降呢為「前女友」,指對方已向佢坦承,不過佢就暗示女方為「腦殘粉」,又表示會為自己發布過嘅一切內容負法律責任,如果有人認為佢係污衊而採取必要手段,佢都會奉陪到底。

網友話自己因為太嬲而選擇公開宣洩。
網友話自己因為太嬲而選擇公開宣洩。

此文一出,即有多位網友去留言,唔少人都質疑佢連日嘅言論都咁有針對性,仲Tag埋阿倫,但見佢上載完所謂「證據」後又Del Post,有抹黑阿倫嘅嫌疑,同時亦有唔少食花生嘅網友嗌佢再Post新「證據」,引起熱論。

原本佢上載過黑衣男着褲相當「證據」。
原本佢上載過黑衣男着褲相當「證據」。
雖然佢Del咗Post,但已經拖咗譚詠麟落水。
雖然佢Del咗Post,但已經拖咗譚詠麟落水。