《警訊》主持梁皓妤被撤換 張繼聰細佬張繼安接任 網民點評:冇咗...

《警訊》截圖
《警訊》截圖

張繼聰細佬張繼安原來都係節目主持,不過佢係以警察身份由4月8日起主持節目《警訊》。原本《警訊》嘅主持梁皓妤由2017 年 4 月起擔任主持一職,但近日有網民懷疑佢喺社交媒體上讚好「香港黑警 Hong Kong PoPo」專頁,上載支持平反六四,又留言「支那運動員」,有網民更指佢係「警訊曱甴女警」。有傳警隊管理層認為梁皓妤嘅網上言論同警隊價值觀不符,不適合再做《警訊》主持,又咁啱佢喺公共關係科夠3年,所以安排更換崗位,由張繼安接任主持一職。

張繼安喺2006年加入警隊,曾經駐守上水分區及機場特警組,之後轉做警察公共關係科(PPRB),過去多次為警隊Facebook專頁拍片,表現同哥哥一樣咁搞笑鬼馬。噚晚同Kellyjackie(陳曉琪)一齊做《警訊》主持,網民話佢企定定介紹,冇咗平時嘅風趣幽默一面。

而梁皓妤喺香港樹仁大學新聞與傳播學系畢業,喺2014年加入警隊前,曾經喺亞洲電視擔任記者。

《警訊》截圖
《警訊》截圖
《警訊》截圖
《警訊》截圖