【讀者投稿】我們的 Z 仔

相信有好多人都經歷過一段,埋藏喺心入面,好難忘而有緣無份嘅愛情故事。

想藉著呢篇文章,好好咁多謝你,好好咁話別同送上祝福。

幾年前,曾經以為同你可以踏入人生另一階段,執子之手,與子偕老。
但世事往往就不如人意,一旦愛情入面失去咗信任,就變得一切都無意義。
即使你多番道歉,挽救,已經於事無補。我一直以原諒你嘅角度出發,但發現自己真係完全接受唔到被背叛,不忠嘅事實。相信你都唔想每日返到屋企,見到終日疑神疑鬼嘅老婆吧。當時嘅震撼場面,我無好好咁同你傾談,好好咁同你話別。

我想講嘅係,我對你無憎恨,亦都有自我檢討,我嘅脾氣、野蠻,同對你甚少嘅讚美,相處咗 10 年日常生活入面,大家都變得老奉,缺乏為對方製造驚喜。始終一隻手掌拍唔響,演變成大家分開嘅結果,我都有責任。

多謝你呢 10 年嚟一直嘅陪伴,你我都有付出過,不枉過。我絕對唔後悔同你一齊咁多年嚟嘅日子,因為真係好開心,亦係我人生嘅一部份。

雖然唔知道你有冇機會睇到呢篇文章,但希望你唔好再太過內疚自責,偶然我都會夢見你同世伯伯母,仲有狗狗。知道你依家終於有段認真嘅感情,好想喺呢度送上祝福,衷心希望你同我,各自同彼此嘅伴侶,一定要繼續幸福落去。你心底裡係一個好好嘅人。

同時想提點大家,幸福並唔係必然,請好好珍惜現時所擁有嘅任何家人、愛人、朋友、事物。多啲讚美對方,而「愛」真係要講出口,唔好令自己後悔。

若果世界上真係有平行時空,希望我哋嘅愛會喺另一個時空入面延續,繼續一直相愛落去吧!

Z樣上


圖片:unsplash

___________________
每個人也有屬於自己獨一無二的人生故事
有人從不完美的童年蛻變成知性的大人
有人退休後才開展自己真正喜歡的生活
也有人選擇忠於自己 不理會世俗眼光地過活
即使沒有電影情節般的起伏
但有你努力生活過的痕跡
只要不白過 就算活到盡
你的故事可能改變了某個正在讀故事的人
讓彼此知道「原來不只有我才這樣」
OLO 想你跟我們分享你的人生故事

讀者投稿程序
1. 400 – 600字的人生故事連同你的照片;
2. Send 去 olo@verizonmedia.com
3. 一經揀選,會在一個月內刊登你的文章
*備註:投稿內容純屬讀者個人分享,其見解與立場與Only Live Once無關。

___________________
活過不白過
Follow us on IG:https://bit.ly/2yjkquY
___________________
#OnlyLiveOnce #讀者投稿

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能