雅虎香港新聞 長沙灣美食︱五十斤蝦熬成濃蝦湯 最平$58食到豬手蝦湯麵 +芫茜廣島蠔蜆濃蝦湯麵
長沙灣有間以濃蝦湯為湯膽的小店，最平$58就嘆到蝦湯豬手麵！即睇Yahoo Food專訪：
「師傅教我，就算個客入嚟幫襯一蚊，佢都係客，你都要俾足料佢，唔會因為佢消費得少，就求其是但。」蝦蝦霸霸老闆 豪哥
每逢週末假日，港人北上消費已成風氣。人人詬病香港餐廳貴夾唔抵，其實只要用心發掘，仍有不少值得支持的有心土炮小店。在長沙灣開業兩個月的蝦湯麵店「蝦蝦霸霸」，六款湯麵都以足料蝦湯熬製，最平$58就食到，和坊間連鎖米線店價錢相約。
👉🏻全新Yahoo Food Instagram上線啦！立即Follow獲取更多飲食攻略
欣賞日本匠人精神 專注做蝦湯
老闆兼大廚豪哥入廚廿多年，做過高級日本omakase、魚生、拉麵店，跟過日本人學藝，最欣賞日本人的匠人精神：「以前師傅個觀念係，就算個客入嚟幫襯一蚊，佢都係客，你都要俾足料佢，唔會因為佢消費得少，就求其是但。」 抱著這心態開店，一店靈魂蝦湯底當然落足心機，每日用50斤蝦新鮮熬製，內有三種不同蝦種 熬足八小時，蝦要先炒香，熬湯時要不停攪拌，又要用肉眼觀察蝦湯的變化。「因為單靠蝦湯其實不夠味，每碗麵都會加上自製的蝦油，熬製蝦油好講心機，因為每一批都有變化，有時多膏，有時少膏，乾淨或污糟，都好影響火喉大細，睇少一眼都唔得。」豪哥補充，他又有感坊間蝦湯膽有時過鹹，因此刻意把味道調得濃而不鹹不濁，不加味精都夠味。
單看賣相已值回票價，三隻本地大草蝦，墨魚仔，帆立貝加小棠菜，好足料。
招牌湯麵有齊蝦 帆立貝 墨魚仔
湯麵款式暫時六款，拿來配廣島蠔及蜆、配生牛肉、配本地蝦及墨魚仔，配豬手，配五花腩。都不是傳統日式拉麵店的配搭，皆因這裏不是主打日式拉麵而是蝦湯麵，因此麵款配加入了港式、台式、 甚至越式等元素。全店最平的「豬手濃蝦湯麵」，由於店中有一位大廚是做了30多年粵菜的老師傅，他用傳統老派方法炮製豬手，要做到豬手肉腍而不離骨，但一咬就要骨肉分開，配蝦湯又出奇地夾。當然有全店王牌「海鮮濃蝦湯麵」， 索價$89看似不便宜，卻落足三隻大如手掌的本地草蝦，新鮮彈牙，還有平帆立貝及墨魚仔 ，麵條也不用日本拉麵哪種煙韌索湯，結實的麵條，改用麥麵，幼身彈牙，掛湯力不錯，可以盡享蝦湯鮮味。
簡單以櫻花蝦蘸炸漿，包實豆腐，鹹香惹味，豆腐滑溜。
湯底有限 日限120碗
五花腩拉麵一樣吸引，兩大塊厚切五花腩肥瘦相間，用日式滷水滷煮過，上枱前以火槍輕炙更香口，才$60/碗非常抵食。還要一提是這裏的小食，不是傳統拉麵店的餃子，竟然找到港式咖哩魚蛋，咖哩魷魚，甚至生炸雞髀！味道不是驚為天人但絕對有心機，難怪小店就算無成本做任何宣傳，日限120碗拉麵都試過收舖前全部沽清，在拉麵群組的口碑也不俗。
兩塊五花腩厚切，大大塊，可以見到肥瘦相間，以偏甜的滷水煮得入味，肥膏一咬好香口。
最後在面頭加一大撮芫茜，蝦湯鮮甜，再來一啖同樣甘甜的廣島蠔，好吃！
由生炸到熟需時十多分鐘一隻，卻換來皮脆，一咬爆汁的惹味雞髀。
蝦蝦霸霸濃蝦湯麵專門店
地址：長沙灣營盤街147號天悅廣場地下B2號舖(地圖按此)
電話：23886959
全新訂座平台「Yahoo訂餐廳×Openrice」正式上線！
更多長沙灣美食推介
長沙灣美食︱串燒加餃子專門店 家庭feel涼瓜豬肉餃+芝士煎餃+魚腹鰭串燒
長沙灣美食︱粵菜大廚主理小店 最平$58食到足料濃雞湯鍋 湯膽熬製9小時
長沙灣美食︱零食街主題和洋料理餐廳 原隻松葉蟹pizza+鰹魚汁鰻魚意粉
長沙灣美食︱涼茶元素咖啡店！驚喜火麻仁latte+銀菊露冷泡咖啡
長沙灣美食│元洲牛肉麵店$40外賣餐！必食足料湯底滿漢全席牛肉麵
【長沙灣美食】 30年燒味師傅開檔賣$22雙拼飯 老闆：唔想燒味舖變夕陽行業
【長沙灣美食】隱世港式串燒小店 $60半打燒生蠔/$75原隻花蟹花甲粉
【長沙灣美食】失業爸爸為養家開意粉店！自創車仔麵式意粉剔紙仔揀配料
【長沙灣美食】打卡文青Café推介5間！純素蛋糕+柴犬咖啡+玫瑰千層蛋糕
【長沙灣美食】文青餐廳以茶入饌！烏龍茶炒雜菇+蝶豆花伯爵茶卷蛋
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
