雅虎香港新聞 長沙灣美食│元洲牛肉麵店$40外賣餐！必食足料湯底滿漢全席牛肉麵
常言道，疫市下，多撐小店，小店之所以值得撐，因為店主和夥計同坐一條船，人情味珍貴：「餐廳係team work，就算好似我哋細細間舖，樓面同廚房都需要同事把關，無佢哋就開唔到舖，同事都需要工作，個關係唔只係賓主咁簡單。」問長沙灣「元洲牛肉麵」老闆娘Eva，短短訪談中，她多次感謝同事：「夥計都有自己家庭，餐廳有咩決定都唔想影響大家，所以從來無諗過唔開舖，不如諗下點繼續做仲實際啦。」
【立即讚好】全新 Yahoo Food Facebook 專頁
新店生意差 無想過休業
「元洲牛肉麵」現時共有兩店，元祖店位於長沙灣，早早開於疫情襲港前，憑招牌菜牛筋牛肉麵及無骨雞髀麵，四年來儲下一班街坊熟客，因此縱然第五波疫情下，也能力保五成生意，未至於全軍覆沒：「我哋走平民路線，街坊唔落街食，或者在家工作，都要開飯，外賣多少幫補到。」店主Eva說真正令她擔心的，是撞正第五波開業的旺角分店，她苦笑說旺角舖的生意額「從來無穩定過」，「最差時晚市只得幾百蚊外賣生意」。不過她從未想過如區內其它餐廳一樣暫時休業，除了生意因素，也考慮到夥計：「開舖幾年，難得聚到一班有心又幫得手同事，唔想貿然影響到大家生計，都係想一齊面對先。」
熟客支持 不用優惠 以正價埋單
有情的不只同事，還有熟客，「長沙灣舖好多都係熟客，知道我哋經營困難，有唔少熟客都會唔用優惠價買套餐，堅持俾正價，佢哋好有心支持，當然會感動。」Eva說的套餐，是她們因應疫情推出的$40外賣餐，像時下最流行的兩餸飯，菜式五款：蘿蔔牛筋飯、麻辣手撕雞飯、蔥油手撕雞飯、墨魚餅乾撈麵及筋頭牛肉飯，款式會不定期轉換。
用料平民不等如無心機，像牛肉，選筋肉相間部份更有層次，和牛筋一樣，以自製的滷水汁浸足四小時，入味再去炆煮，牛筋粗切，帶濃濃膠質，特別一提是店中滷水用十三種藥材如川芎，八角，果皮，先磨成粉，再煮成滷水汁，香味得別出。湯底以雞骨加牛骨每日解熬10小時成湯，湯汁帶點奶白，味鮮甜。
餐牌主食多 推介大蝦茄汁意粉
抗疫特價餐外，正價menu也有亮點，推介一款「滿漢全席牛肉麵」，一次過吃到小店招牌牛肉，牛筋及無骨雞髀，雞髀大大隻，以雞湯浸煮再去骨，肉質鮮嫩不嚡。自問是牛癡？有齊牛肉、牛筋、牛舌、牛丸、牛肚的「總裁牛肉麵」是必叫，份量大到足夠二人分享。平民麵食落足心機去煮，這就是撐住Eva捱過疫市的信心：「好似初初做第一間舖，都係做好食物先，至於其他問題，見招拆招慢慢解決吧，而家做餐廳老闆都大概會咁諗。」
全新訂座平台「Yahoo訂餐廳×Openrice」正式上線！
元洲牛肉麵 (長沙灣店)
地址：長沙灣元州街498號青華閣地下I號舖(地圖按此)
電話：52254332
更多長沙灣美食推介
【長沙灣美食】 30年燒味師傅開檔賣$22雙拼飯 老闆：唔想燒味舖變夕陽行業
【長沙灣美食】隱世港式串燒小店 $60半打燒生蠔/$75原隻花蟹花甲粉
【長沙灣美食】失業爸爸為養家開意粉店！自創車仔麵式意粉剔紙仔揀配料
【長沙灣美食】打卡文青Café推介5間！純素蛋糕+柴犬咖啡+玫瑰千層蛋糕
【長沙灣美食】文青餐廳以茶入饌！烏龍茶炒雜菇+蝶豆花伯爵茶卷蛋
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
