愛回家｜林鈺洧由「港版羅拉」送貨轉職初戀Cafe侍應 網民：佳叔咁孤寒肯請多個侍應？

2022年香港小姐冠軍林鈺洧（Denice）近日與1981年港姐亞軍錢慧儀前夫馬清揚秘撻傳聞傳得熱哄哄，佢至今都未就事件作回應，但就喺社交平台大曬拍攝TVB處境劇《愛．回家之開心速遞》嘅花絮。林鈺洧現時於劇中飾演接龍初戀Cafe侍應之一，但原來早於5月頭嘅劇情，林鈺洧僅僅係一名送貨工人，之後先變成Cafe侍應，當時佢更穿上背心短褲搭配腰包嘅打扮送貨，十足「港版羅拉」。

林鈺洧於帖文中回顧劇中嘅身分轉變，詢問大家鍾唔鍾意佢個新職業呢：「不經不覺，羅拉從搬運工人轉工成功變成初戀Cafe嘅侍應，唔知大家鍾唔鍾意羅拉個新職業呢？Natalie reporting at First Love Cafe」。有網民就留言指終於等到林鈺洧拍劇，認為個角色幾特別，不過都有唔少網民直言點解港姐冠軍都要被安排做侍應，而唔係坐喺辦公室做文員：「你看前幾個港姐冠軍進組都演OL，得佢演妹仔」、「還以為你會有更大發揮的角色，例如入尋寶圖或接龍，話晒你都係港姐冠軍」、「戲份也太少了吧，就送送貨，做做服務生，還是港姐冠軍呢」、「我好不解點解冠軍要做侍應而落選個d可以當文員」等等。不過有網民就表示做初戀Cafe侍應有機會仲多戲份：「文員太多啦。初戀cafe女服務生只有一個」、「在餐廳才多鏡頭吧，常有吃東西的情節，去其他部門不一定常出鏡」等等。又有網民指喺頸度搭一條毛巾打扮好經典，笑指估唔到除咗李泳豪飾演嘅豪仔，仲有多個侍應：「你是啊豪介紹進來的嗎？」、「你剛上班，要小心佳叔的食材，說不定肉的年齡比你還大，賣剩的無骨雞爪也不要帶回家吃」、「佳叔咁孤寒居然肯請多個侍應？」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！