貪靚戒澱粉質 蔡思貝中醫上身 Keep肚腩暖宮

蔡思貝前日穿上低胸露背裙出席活動，撼贏高海寧與應屆港姐。她笑言為了着貼身裙，戒了澱粉質兩日，又「中醫上身」指女士需要暖宮，肚腩必定有少許脂肪。

陳展鵬、蔡思貝、高海寧、黃百鳴、應屆港姐三甲林鈺洧、許子萱、梁超怡等前晚到金鐘出席晚宴，穿低胸露背裝的蔡思貝最搶鏡。她表示剛拍完電影《無間一戰》及劇集《你好，我的大夫》，正放假休息，有時間悉心打扮。

身形纖瘦的她透露為穿貼身裙，已經戒澱粉質兩日，又因拍劇對中醫加深認識：「可能大家覺得我咁瘦仲要減肥，但係女仔要暖宮，腹部點都會有啲脂肪。想趁放假好好去操弗身體，希望有馬甲線。」

陳展鵬無意內地置業

陳展鵬表示到內地拍劇集《香港人在北京》4個月，近日才回港，期間與妻女先後到北京、上海、寧波、深圳等：「佢哋遊山玩水，因為疫情難得出去，都要周圍去玩吓。」問到想不想在內地置業？他說：「老婆喺上海好多朋友，所以好適應上海嘅生活。我10年冇去北京，轉變都好大，9、10月北京天氣好到不得了，都好鍾意北京，但係暫時未有打算喺內地置業，樓市好似跌緊，都係睇定啲先。」

而黃百鳴表示近期多部港產片票房理想，看到香港電影有希望，但認為現在影圈青黃不接，需要年輕人加入，覺得大灣區擁有7,000多萬人口，是推動粵語電影的龐大動力。