賤嘴同事搲利是：派單封，你喪偶呀？

踏入農曆十一，大家返工Mode On咗未？尋日網上流傳銀行開工利是價目表，最多係中信銀行有$2,000，最低嘅係$0，當中好似凍薪又話唔凍薪嘅匯豐，同樣無現金獎，只有朱古力金幣一個，有網友證實話係睇部門嘅，有人朱古力金幣搭財神揮春，亦有人得到$50開工利一封，有部門更百無；但點都好過內地騰訊員工，要由凌晨三點排隊排到朝早九點逗，重要行上39層樓逗利是呀！

逗利是固然開心，已婚人事派利是又派得服唔服？唔知點解，公司總有幾個犯眾憎用討厭嘅方式逗利是，同事間封利是都係十幾廿蚊，係唔係窮成咁先？

1. 平時黑口黑面，新年過嚟搲利是
平時自命清高，對眼生係額頭，經過都唔打聲招呼嘅；每到新年，隻眼就會放落嚟，同一班junior打成一遍，再夾係一群之中同你搲利是。

2. 全公司成千人同事，唔派哂就喺度唱人
唔好話老細同manager，連月薪萬幾蚊嘅同事都要用群眾壓力去搲利是，要是第一年結婚重死，條友大大聲講「要派雙封利是」，但自己結婚個年就旅行避年。

3. 屋企有隊足球隊
明明結咗婚，但話自己有成隊足球隊小朋友，喂，我連你啲仔女都未見過，同事之間唔洗呀？！

4. 年紀大、職位高都搲利是
月薪幾萬蚊，去搵個萬幾蚊重要養妻活兒供養父母嘅同事搲利是，小心孤獨終老！

5. 派單封話人離婚、喪偶
要是唔認識對方配偶賣單封都好正常呀，收咗之後重要無口德，單封唔好收呀笨！