「跑友」鮑起靜:我哋拍咗條片同佢打氣!

東方日報
·1 分鐘文章
鮑起靜希望廖啟智早日康復!
鮑起靜希望廖啟智早日康復!

藝人鮑起靜曾與廖啟智一起跟周潤發跑步,對於「跑友」不幸患胃癌,她說:「佢都冇跑好耐啦,有幾個月,記得上一次係舊年年尾佢哋同周潤發去跑過,我就冇去。(知唔知佢有病?)其實都唔係個個知,之前我哋成班都拍咗條片同佢打氣,雖然佢冇覆,但敏兒就話多謝大家,唉!佢本身又唔煙唔酒,希望佢快啲冇事啦!敏兒都要好好保重。」

歌手賈思樂跟廖啟智與陳敏兒都是多年老友,他昨晚在電話中驚訝地說:「我完全唔知廖啟智有病,你咁講我好Surprise。」他坦言很久沒有跟兩人見面:「我見敏兒多啲,廖啟智因為成日拍戲,所以少見,平時見到敏兒,通常大家都會同佢講問候吓你老公,舊年我同敏兒有見過,佢冇任何異樣,聽你講完,希望佢冇事,我會打電話畀佢關心吓,睇吓佢咩情況。」而曾與廖啟智合作無綫劇集《律政強人》的李佳芯,對於前輩患病表示不知情,並向他送祝福:「希望佢安心養番好個身體,期待再同佢合作!」