「踩界」對白挑戰底線 陳家樂扭計嗌辭演

東方日報
·2 分鐘文章
衛詩雅穿上利物浦球衣,陳家樂眼火爆忍不住「出手」。
衛詩雅穿上利物浦球衣,陳家樂眼火爆忍不住「出手」。

陳家樂與衛詩雅近日不斷為新片造勢,日前舉行「波友」優先場,齊齊着波衫與球迷歡聚。家樂自言是曼聯「忠粉」,但片中有不少踐踏曼聯的對白,挑戰其底線,雖然被迫就範,但堅拒着利物浦球衣,以表「忠貞」!

英皇電影《不日成婚》日前舉行「波友場」,邀得球星陳偉豪、文彼得等偕一眾球迷先睹為快,導演陳茂賢率領陳家樂、衛詩雅(Michelle)、談善言、朱栢康、岑珈其及楊偲泳答謝支持,場面熱鬧!

現場不少球迷穿上心儀球隊的波衫捧場,支持曼聯多年的陳家樂當然不甘後人,既穿上愛隊波衫,更與好兄弟岑珈其模仿球星的入球招牌慶祝動作;而身穿利物浦波衫的衛詩雅,則氣定神閒地力抗動作多多的陳家樂,十分搞笑!

衛詩雅笑片酬高

陳家樂自言是忠心耿耿的曼聯球迷,但導演不時挑戰他的底線,火花四濺!他開玩笑說:「對白不斷出現踐踏曼聯嘅說話,我本人非常反對,甚至諗過推戲!」Michelle笑問:「係咪因為片酬太高,所以你至繼續拍?」家樂笑言片酬其實不算太高:「但結果我都妥協咗,因為劇本實在寫得太好,而且香港電影一定要支持!不過,有一件事我堅決唔做,就係導演提議過要我着利物浦波衫,真係唔得!」

他又大爆片場一個小秘密:「我哋有個『忍笑龍虎榜』,如果忍唔住笑NG,次數最多嗰個就要請食飯。」不少人猜測他會「大熱勝出」,陳茂賢卻說:「本來家樂應該輸,但佢好醒,明明忍唔住笑都順勢演落去,然後話係佢嘅演技方法,真係冇佢符!」至於誰是終極大輸家,至今仍在點票當中。

球星陳偉豪(右)及文彼得(左)入場,支持家樂與衛詩雅。
球星陳偉豪(右)及文彼得(左)入場,支持家樂與衛詩雅。