農曆7月驚現「陰陽路」 長髮白衣女蹲地低泣 網民:有怪莫怪

【on.cc東網專訊】俗語有云,「人嚇人,嚇死人」,尤其農曆7月鬼節前後,少啲定力都分分鐘出事!今日(14日)凌晨約1時,有網民驅車駛經某地屋苑迴旋處時,竟碰上疑似撞鬼的「駭人」一幕,令車主心悸後怕之餘,車主今日亦將該段車Cam影片放上社交平台分享,惹網民熱切討論。

從上載影片可見,夜色下車主駛至一處幽寂無人的屋苑附近,正值入彎之際,突現一襲白衣蹲坐在路旁,靜佇而視。不少人初見稍疑,未知是人是物,惟一再細看,發現竟是一名長髮飄飄、身穿白色連裙的女子,疑似正在抱膝低泣,有網民指「呢位小姐係跪喺地下喊㗎,唔係妹妹嚟」。由於事件發生在俗稱「鬼節」的盂蘭節及中元節前後,且片中女子的打扮與日本經典恐怖片「貞子」中的女鬼有幾分相似,所以引起不少人大呼「時運高睇唔到」、「有怪莫怪」,以免被「地下」的朋友纏上。

另外,亦有網民向涉事車主誠心「諫言」,「樓主有緣見到佢,仲畀你個Cam(錄影器)影埋,快啲去做番啲功德,同埋搵師傅清一清身,你近排時運應該好低」,「建議你去僻下邪」。惟同時,也有網民佩服車主膽大心定,稱「好野喎,撞野(邪)㗎車都咁定,司機可能平時見唔少!」

【更多即時新聞詳情請上東網新聞