「送水輝」黑化惡鬥「細龍生」

·1 分鐘文章
許家傑與鄭世豪在劇中連秘書都要爭一餐!
許家傑與鄭世豪在劇中連秘書都要爭一餐!

藝人許家傑於無綫劇集《愛.回家之開心速遞》中飾演「送水輝」多年,向來善良、逆來順受的他估不到會跟「細龍生」鄭世豪惡鬥,耍手段返接龍公司做CEO的細龍生還要跟他爭秘書「蔡玉皎」。之後公司搞「接龍先生選舉」,講明邊個贏就可以用蔡玉皎,最終送水輝晒肌、玩濕身勝出,細龍生條氣當然唔順,誓要繼續搞送水輝報復!

今次黑化對許家傑來說是一大挑戰,他說:「其實咁多年性格都冇乜變,所以我覺得好玩嘅,之前喺其他劇集有演奸角,但其實送水輝性格先似番我自己。(怕唔怕《愛》迷反感?)係就最好,咁就做出效果,其實之前好多藝人好似鄭子誠、溫兆倫變奸都好出色,觀眾憎你,即係代表你成功咗!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能