【逼爆身材不再】周秀娜上載泳衣出海照 太瘦惹網民擔心健康
o靚模始祖周秀娜(Chrissie),一出道就憑逼爆身材突圍而出,推出多本個人寫真集,風魔萬千少男。近年佢開始收起性感,轉戰電影及電視界。成功轉型嘅Chrissie,前年憑《29+1》入圍香港電影金像獎最佳女主角,成功洗去舊有性感形象。不過唔知Chrissie係唔係太忙嘅關係,佢嘅身材嚴重大縮水,當年嘅惹火身材已不再。早前佢喺社交網站上載出海照,當時唔少網民都話佢瘦到連胸都細埋 ,以前好睇好多。噚日Chrissie又再上載出海照,身穿一件頭泳衣,大晒美背及長腿,不過唔少網民好擔心佢嘅健康狀況,紛紛留言話佢太瘦,要增返少少肥會好啲。