那年盛夏我們綻放如花｜陳穎欣Yanny貼地演繹角色 索爆外貌被讚世一 網民：姐姐天花板

ViuTV熱播劇集《那年盛夏我們綻放如花》改編自網絡小說《已讀不回死全家》，講述一名自稱Admin嘅神秘人將眾人加入「已讀不回死全家」群組中，強制展開一場「死亡遊戲」，內容緊湊成為網上熱話，網民齊齊估邊個係下個犧牲者，陳穎欣（Yanny ）亦惹熱議，更被稱為「姐姐天花板」。

Yanny劇中飾演何晞媛，為P1X3L成員歐鎮灝（George）姐姐，而另一位成員葉振弘（Marco )就對佢一見鍾情。Yanny劇中角色性格討好，對細佬關愛及對暗戀者善良，更重要嘅係Yanny演得相當貼地，唔單止敷面膜展現素顏，更戙高腳剪趾甲，不經意地大騷美腿，拋下女神形象令一班網民大為心動，表示可以代入到劇中暗戀Yanny嘅葉振弘個角色：「完全明白點解允仔會沉船。」、「Yanny世一」、「允仔茶餐廳想表白嗰幕，Yanny表情微細位做得好好，求拍多啲劇喇。」、「Yanny真係世一，呢啲先叫姐姐天花板，白白滑滑，素顏敷面膜都咁正。」、「Yanny 做呢個家姐好率性，又長腿又濕身Look ，真係冇得輸。」等等。

Yanny以女子組合Super Girls出道，其清純外貌有「冰山美人」之稱。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！