鄭俊弘何雁詩拖手認愛

日前被傳媒爆料、指背著未婚妻暗撻何雁詩（Stephanie)的鄭俊弘（Fred)，今日傍晚現身機場交代二人關係。

何雁詩今晚北上拍劇，於機場與鄭俊弘見記者，二人十指緊扣示人，承認正在發展中。

Fred首先開腔表示，近日發生好多事情，令到大家、屋企人都好擔心，所以要出來澄清。

「我同阿Steph(何雁詩)一路以嚟都係好好朋友嘅關係，我哋無論音樂、人生上嘅觀點，我哋好相似，我同佢以往都經歷過一啲感情上唔開心嘅事，我哋都一路支持大家，一齊扶持，我哋而家更加多啲工作機會啦！所以係好close。但係我一向對於感情係好低調，所以之前嗰段感情冇人知，甚至Steph都唔知。但呢段感情都已經終結咗喇，原因係我尊重同保護對方，我就唔會再多講。」

鄭俊弘表示事件上處理得唔好。「我好多謝阿Steph呢輪對我嘅支持、對我嘅愛護同埋信任。我同阿Steph���段感情係啱啱開始，我哋想珍惜同保護呢段感情，選擇咗唔公開，希望大家體諒。但係因為尋晚一個報道，我一定要企出嚟同大家澄清，一定要保護Stephanie，一定要承擔呢件事」。Fred亦希望外界「俾啲時間我地，俾啲祝福我地」。

記者多次追問二人幾時開始，他們始終封口不答，但表示時間上與沒有Fred上一段感情重疊，亦否認同居。

而一路甜笑的Steph亦幫口，指這段時間Fred很辛苦很大壓力，希望外界支持男友。她也表示對鄭俊弘有信心，否則不會出來交代，但就不肯講誰作主動。

至於對未來有冇信心？Fred只道「未來嘅事冇人知，會做好每一日」。