陳彥行疑被爆出另一半身份 社交網站鬧爆出PO：認識了20年的朋友也會出賣你

現年47歲嘅陳彥行（行姐）淡出幕前多年，不過近日就突然被爆出3年前秘密產女。行姐喺前日（3日）於社交網站承認已為人母嘅消息及談及另一半係簡單低調嘅圈外人，更上載多張3年前與女兒拍攝嘅照片。去到噚日（4日），有傳媒指收到行姐圈中閨密嘅絕密消息，就係行姐囡囡嘅爸爸身分原來係黃子華嘅司機。

喺噚日，行姐喺社交網站出PO表示：「人與人之間已經沒有信任可言了，認識了20年的朋友也會出賣你，人生又上了一堂課。」之後唔少網民都紛紛留言支持及鼓勵佢，例如「鍛鍊自己， 先會成長。正能量行姐，有事記得找村長，因為村長可以 保守秘密嘅人。加油行姐」、「人生就是這樣，唔好諗咁多，祝你幸福快樂」、「行姐不用嬲，呢啲朋友人生過客，期待你有時間出嚟客串下電台節目，自從你冇做［大家真….］亦冇再聽lu」、「人生係咁，經一事長一智」、「不要放在心，失去你已經最大懲罰。明白你的人就會繼續明白你的。支持你!」、「行姐，不好心痛！是非隨風去！照顧好自己及家人！我們祝福你！」、「看清便遠離就好了，加油」及「所有嘢上天已有安排，你以為失去，其實上天可能比緊更好嘅嘢你」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！